English | عربی | Kurdî دواهەواڵ
ڕاستەوخۆ  
 
ئه‌ردۆغان: پێویسته‌ یه‌كێتی ئه‌ورووپا پاره‌یه‌كی زۆر بداته‌ توركیا
2021-04-07 [03:02 AM]

ZNA- هەولێر


 

سه‌رۆككۆماری توركیا دوێنێ له‌گه‌ڵ شاندێكی به‌رپرسانی یه‌كێتی ئه‌ورووپا كۆبووه‌وه‌.

دوای ئه‌وه‌ی رۆژی سێشه‌ممه‌ شاندێكی باڵای یه‌كێتی ئه‌ورووپا به‌ سه‌رۆكایه‌تی كۆنسه‌ی یه‌كێتی ئه‌ورووپا و سه‌رۆكی كۆمسیۆنی یه‌كێتی ئه‌ورووپا سه‌ردانی توركیای كرد، له‌گه‌ڵ سه‌رۆككۆماری توركیا كۆبوویه‌وه‌ و له‌ كۆبوونه‌وه‌كه‌دا باسی په‌یوه‌ندییه‌كانی نێوان توركیا و یه‌كێتی ئه‌ورووپا كرا.

سه‌رۆككۆماری توركیا ره‌جه‌ب ته‌یب ئه‌ردۆغان به‌ به‌رپرسانی یه‌كێتی ئه‌ورووپای راگه‌یاندووه‌، كه‌ ئامانجی سه‌ره‌كی توركیا ئه‌ندامبوون له‌ یه‌كێتی ئه‌ورووپایه‌ و به‌ هیچ شێوه‌یه‌ك توركیا ده‌ستبه‌رداری ئه‌م ئامانجه‌ی خۆی نابێت.

شاندی یه‌كێتی ئه‌ورووپاش له‌ دیداره‌كه‌دا له‌ باره‌ی جێبه‌جێ نه‌كردنی بڕیاره‌كانی دادگای مافی مرۆڤی ئه‌وروپا، سیاسه‌ت و چالاكییه‌كانی توركیا له‌ رۆژهه‌ڵاتی به‌حری سپی ڕه‌خنه‌ی له‌ توركیا كردووه‌ و داوای له‌ توركیا كردووه‌ كه‌ ده‌ستبه‌رداری چالاكییه‌كانی له‌ رۆژهه‌ڵاتی به‌حری سپی ببێت و رێز له‌ مافی مرۆڤ بگرێت و بڕیاره‌كانی دادگای مافی مرۆڤ جێبه‌جێ بكات.

هه‌ر له‌و كۆبوونه‌وه‌یه‌دا باس له‌ دۆخی په‌نابه‌ران كراوه‌ و ئه‌ردۆغان به‌ شاندی یه‌كێتی ئه‌ورووپای گوتووه‌ كه‌ بۆ ئه‌وه‌ی توركیا بتوانێت كۆچبه‌ر و په‌نابه‌ره‌كان له‌ خۆی بگرێت و رێگری بكات له‌ رۆیشتنیان بۆ ئه‌ورووپا ئه‌وا پێویسته‌ یه‌كێتی ئه‌ورووپا پاره‌یه‌كی زۆرتر بداته‌ توركیا.





ئەم هەواڵە 250جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad