English | عربی | Kurdî دواهەواڵ
ڕاستەوخۆ  
 
كۆمسیۆن: هەڵبژاردن لەكاتی خۆیدا ئەنجام دەدرێت
2021-04-10 [09:15 AM]

ZNA- هەولێر


کۆمیسیۆنی باڵای سەربەخۆی ھەڵبژاردنەکانی عێراق رایگەیاند کە ھەڵبژارنی پێشوەختە لە وادەی دیاریکراوی خۆیدا لە ١٠ی مانگی تشرینی یەکەمی ئەمساڵدا، ئەنجام دەدرێت.

لە راگەیەنراوێکدا کۆمیسیۆنی باڵای سەربەخۆی ھەڵبژاردنەکان ئاماژەی بەوەداوە کە پاشگەزبوونەوە لە وادەی ئەنجامدانی ھەڵبژاردنی پێشوەختە نییە و پڕۆسەکەیش لە ١٠ی مانگی تشرینی یەکەمی ئەمساڵدا ئەنجام دەدرێت.

کۆمیسیۆنی باڵای سەربەخۆی ھەڵبژاردنەکان لە راگەیەنراوەکەدا داوای لەو ھاووڵاتییانەی کە مافی دەنگدادنیان ھەیە کردووە کە بەرلە ١٥ی ئەم مانگە، سەردانی ناوەندەکانی تۆمارکردن بکەن و داتاکانیان نوێ بکەنەوە.

لە مانگی ئاداری رابردوودا، کۆمسیۆنی باڵای سەربەخۆی ھەڵبژاردنەکان رایگەیاندبوو، ٣٠ی ھاوپەیمانی کە لە ٢٥٠ پارت پێکھاتوون، پەسەندکراون بۆ ئەوەی بەشداری لە ھەڵبژاردنی پێشوەختەدا بکەن.

پێشتر کۆمیسیۆنی باڵای سەربەخۆی ھەڵبژاردنەکان رایگەیاندبوو، ٢٥ ملیۆن و ١٣٩ ھەزار و ٣٧٥ دەنگدەر مافی بەشدارییکردنیان لە ھەڵبژاردنی پێشوەختەی ئەنجوومەنی نوێنەرانی عێراق ھەیە کە بڕیارە لە ١٠ی تشرینی یەکەمی داھاتوودا، بەڕێوەبچێت.

 





ئەم هەواڵە 328جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad