English | عربی | Kurdî دواهەواڵ
ڕاستەوخۆ  
 
بەنوێنەرایەتی سەرۆکی حکومەتی هەرێم، پارێزگاری هەولێر، سەردانی ئەو کارمەندەی شارەوانی کرد کە ئەمرۆ هێرشی کرایە سەر
2021-04-10 [08:35 AM]

ZNA_ هەولێر


 

ئەمشەو 2021.4.10، بەنوێنەرایەتی ڕێزدار مەسرور بارزانی، سەرۆکی حکومەتی هەرێمی کوردستان، ئومێد خۆشناو، پارێزگاری هەولێر، بەیاوەری کوێستان ئەحمەد، قایمقامی قەزای خەبات و بەڕێوەبەری ئاسایشی خەبات، لەنەخۆشخانەی فریاکەوتنی رۆژهەڵات سەردانی (ئازاد کانەبی قوربانی) ئەو کارمەندەی شارەوانی کرد کەئەمڕۆ لەکاتی ڕێگرکردن لە ئەنجامدانی سەرپێچی لەقەزای خەبات لەلایەن چەند کەسێکی سەرپێچیکارەوە هێرشی کرایە سەر و بەسەختی برینداریانکرد.

پارێزگاری هەولێر لەسەردانەکەیدا، وێڕای گەیاندنی سڵاو و پەیامی ڕێزدار مەسرور بارزانی، سەرۆکی حکومەتی هەرێمی کوردستان، لەنزیکەوە لە دۆخی تەندروستیی پرسی و هیوای خواست خودای گەورە شیفای بۆ بنێرێ و بەزووترین کات چاک ببێتەوە و بگەڕێتەوە سەر کارەکەی خۆی، وەکو پارێزگای هەولێریش ئامادەیی هەموو هاوکاری و ئاسانکارییەکی بۆ چارەسەرکردنی نیشانداو دڵنییای کردەوە کە (4) تاوانباری سەرەکی ئەوانەی هێرشیانکردۆتە سەری دەستگیرکراون و دراونەتە دەست یاسا و لەڕێگەی دادگا سزای ئەو تاوانەیان وەردەگرن کە بەرامبەربە کارمەندێکی حکومەت لەکاتی ئەرکی فەرمیدا ئەنجامیانداوە، هەروەها هەموو ئەوانەشی کەمتەرخەم بوونە لەکاتی ڕوودانی ئەو ڕووداوە ڕێکاری یاساییان لەبەرامبەردا دەگێرێتەبەر.





ئەم هەواڵە 337جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad