English | عربی | Kurdî دواهەواڵ
ڕاستەوخۆ  
 
ئه‌نجوومه‌نی ئاسایشی هه‌رێمی كوردستان دانپێدانانی باندێکی تیرۆریستی بڵاو کردەوە
2021-04-12 [04:56 AM]

ZNA-هەولێر


 

ئەنجوومەنی ئاسایشی ھەرێمی کوردستان، ڤیدیۆی دانپێدانانی باندێکی تیرۆریستی سەر بە داعش بڵاوکردەوە کە بەنیازبوون چەند کردەوەیەکی تیرۆریستی لە ھەولێر ئەنجام بدەن.

بەپێی راگەیاندراوێکی ئەنجوومەنی ئاسایشی ھەرێمی کوردستان  تێیدا ھاتووە: "لە ھەوڵە بەردەوامەکانی دەزگاکانی ئەنجوومەنی ئاسایشی ھەرێمی کوردستان بۆ پووچەڵکردنەوەی پیلانی تیرۆریستان دژی کوردستان، زانیاریی دروست بە دەست ھات کە (حجی عبداللە - خەلیفەی گرووپی تیرۆریستیی داعش) فەرمانی داوە بە ھەریەک لە (حارپ - والی شمال / کوردستان) و (أبو ولید - ئەمیری ئەمنی ولایەتی شمال) بۆ ئەنجامدانی کردەوەی تیرۆریستی، راستەوخۆ تیرۆریستانی شانەکە ئاشکرا کران و لە ئۆپراسیۆنێکی سەرکەوتوو توانرا تەواوی تیرۆریستەکانی شانەکە دەستگیر بکرێن".

ئاماژە بەوەش دراوە، "لە ئەنجامی لێکۆڵینەوە دەرکەوت تیرۆریستەکان بەنیازبوون لەڕێگای (بۆمبی چێنراو - عبوە) و (دەمانچەی بێ دەنگ - کاتم ێوت) کردەوەکان ئەنجام بدەن و لە سەرەتای مانگی (٢/٢٠٢١) دوو ئەندامی گرووپەکەیان سەرەتا نەتوانراوە راستەوخۆ داخلی کوردستان بن بۆیە بە قاچاخ لە سووریاوە گواستراونەتەوە بۆ تورکیا پاشان بۆ ئێران و لەوێشەوە بۆ شارۆچکەی رانیە و پاشان گەیشتوونەتە شاری ھەولێر".

 

بۆ بینینی ڤیدیۆی دانپێدانەکە کلیک لەم لینکە بکە

https://www.facebook.com/watch/?v=449865599603245

 

 





ئەم هەواڵە 415جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad