English | عربی | Kurdî دواهەواڵ
ڕاستەوخۆ  
 
ئوستن: هێزەکانی ئەمەریکا لە ئەڵمانیا زیاد دەکەین
2021-04-14 [10:34 AM]

ZNA - هه‌ولێر


 

وەکو بەشێک لە پابەندبوونی بە پتەوکردنی پەیوەندییەکان لەگەڵ ئەڵمانیادا، لە ماوەی سەردانەکەیدا بۆ ئەوروپا وەزیری بەرگری ئەمەریکا لوەید ئۆستن جەختی لەوە کردەوە وڵاتەکەی ژمارەی سەربازەکانی لە ئەڵمانیا زیاد دەکات.

دوای چوار ساڵ لە دوژمنایەتیە ئاشکراکەی سەرۆکی پێشووی ئەمەریکا دانۆڵد ترامپ لەگەڵ ئەڵمانیادا، ئۆستن جەختی لەوە کردەوە بەڕێوبەرایەتیەکەی سەرۆکی ئێستای ئەمەریکا جۆو بایدن هەوڵی پتەوکردنی هاریکارییە ئەمنیەکانی نێوان ئەمەریکا لەگەڵ ئەڵمانیا و هاوپەیمانێتی ناتۆدا دەدات.

ئۆستن بە ڕۆژنامەنووسانی وت " خۆشحاڵم ڕایدەگەیەنم هێزەکانی ئەمەریکا لە ئەڵمانیا زیاد دەکەین."

وتیشی " بە وەزیری بەرگری ئەڵمانیام ڕاگەیاند نیازمان هەیە نزیکەی 500 سەربازی دیکەی ئەمەریکی بەشێوەیەکی هەمیشەیی لە ناوچەی ڤیسبادن جێگیر بکەین."

سەرۆکی پێشووی ئەمەریکا دانۆڵد ترامپ بڕیاریدا هێزەکانی ئەمەریکا لە ئەڵمانیا کەم بکاتەوە کە بۆ ئاسایشی هاوپەیمانێتی ناتۆ لە دوای هەڵگیرسانی جەنگی ساردەوە، هەمیشە وەکو بەردی بناغە بووە.

لەلای خۆیەوە وەزیری بەرگری ئەڵمانیا کرامپ کارینباوەر وتی " ڕاگەیاندنەکە هەواڵێکی خۆشە و ئاماژەیەکی بەهێزە بۆ پێکەوە بوون."

 

voa





ئەم هەواڵە 238جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad