English | عربی | Kurdî دواهەواڵ
ڕاستەوخۆ  
 
بانکی ناوەندیی عێراق بڕیارێکی نوێی دەرکرد
2021-04-14 [02:25 AM]

ZNA - ھەولێر



بەپێی نوسراوێکی بانکی ناوەندیی عێراق کە ئەمڕۆ چوارشەممە ١٤/٤/٢٠٢١ دەرچووە و ئاماژە بەوە دراوە، بانکی ناوەندیی عێراق فرۆشتنی دۆلار و دراوی بیانی زیاتر کردووە بە مەبەستی ڕاگرتنی ھاوسەنگیی بازاڕ و پڕکردنەوەی ئەو خواستەی کە لەسەر دراوی بیانیی جۆری دۆلاری ئەمریکی دروست بووە.

بەگوێرەی راگەیەنداراوەکە پشکی ئەو بانکانە ھەفتانە دەدرێت و لە ١٨/٤/٢٠٢١ەوە بڕیارەکە جێبەجێ دەکرێ.
لە چەند ڕۆژی ڕابردوودا بەرزبوونەوەیەکی بەرچاو لە بەھای دۆلاری ئەمریکی بەرامبەر دیناری عێراقی ڕووی دا، بە شێوەیەک نرخی ١٠٠ دۆلار گەیشتە ١٤٩ ھەزار و ٥٠٠ دینار.

شێروان ئەنوەر مستەفا، سەرۆکی ھاوبەندیی بانکە ئەھلییەکانی عێراق لە ھەرێمی کوردستان  رایگەیاند: "بۆ ئەوەی نرخی دۆلار زیاتر بەرز نەبێتەوە، دەبێت بانکی ناوەندیی عێراق دۆلار زیاتر بخاتە بازاڕ، ھەروەھا دەبێت ھاوردەکردنی کەلوپەل و کاڵاکان کەم بکرێتەوە، چونکە لەو رێگەیەوە دۆلاری زۆر دەڕواتە دەرەوە، ئەو بڕیارە تازەش کاریگەری بۆ دابەزاندنی بەھای دۆلار دەبێ".
زیاتر گوتیشی: "دەبێت رێگری بکرێت لە بردنە دەرەوەی دۆلار کە ئەوە وای کردووە بەھای دۆلار بەرزتر بێت لەو بەھایەی لە لایەن بانکی ناوەندییەوە بۆی دیاریکراوە، پێویستە بانکی ناوەندی سیاسەتێکی روونتر پەیڕەو بکات".

سەرچاوە | باسنیوز 





ئەم هەواڵە 1735جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad