English | عربی | Kurdî دواهەواڵ
ڕاستەوخۆ  
 
جۆبایدن لەبڕیارێكی پەشیمان دەبێتەوە
2021-04-17 [09:40 AM]

​ZNA – هەولێر


سەرۆکی ئەمریکا بڕیاریدا ژمارەی وەرگرتنی پەنابەران لە ماوەی ساڵێکدا لە 15 هەزار کەسدا بهێڵێتەوە و ئەمەش واتای ئەوەیە، هیچ گۆڕانکارییەک لە پلانی ئیدارەی ترەمپدا لە بواری وەرگرتنی پەنابەران ناکرێت.

بە بڕیارێكی جێبەجێکاری کە جۆ بایدن، سەرۆکی ئەمریکا واژۆی لەسەرکرد، ژمارەی ئەو پەنابەرانەی کە ساڵانە ئەمریکا وەریاندەگرێت 15 هەزار کەس دەبێت، بەڵام پڕۆسەی وەرگرتنی پەنابەرەکان و نیشتەجێکردنیان لە ویلایەتە جیاوازەکاندا خێرادەکرێت.  

لە دوای 41 ساڵ لە پڕۆگرامی وەرگرتنی پەنابەراندا لە ئەمریکا،  ئەمە دووەم جارە لە مێژووی ئەو وڵاتەدا ژمارەی وەرگرتنی ساڵانەی پەنابەران لەو ئاستە کەمەدا دیاری بکرێت.

دوای دەستبەکاربوونی، جۆ بایدن بەڵێنیدا ژمارەی وەرگرتنی پەنابەران لە 15 هەزار کەسەوە بۆ 62 هەزار کەس بەرزبکاتەوە، بەڵام چوونی ژمارەیەکی زۆر کۆچبەر بۆ نێو ئەو وڵاتە لە ماوەی ئەم چەند مانگەی رابردوودا بووە بابەتێکی سەرەکی میدیای ئەو وڵاتە و بەو جۆرەش گوشارێکی گەورە لەسەر ئیدارەی بایدن دروستبوو

جێن ساکی، گوتەبێژی کۆشکی سپیش بە دووری زانی تاوەکو کۆتایی ساڵی دارایی 2021ی ئەمریکا کە لە مانگی 10ی هەموو ساڵێکدا دەستپێدەکات هیچ گۆڕانکارییەک بەسەر ئەو بڕیارەی بایدندا بێت

 

 





ئەم هەواڵە 190جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad