English | عربی | Kurdî دواهەواڵ
ڕاستەوخۆ  
 
كازمی: لیژنەیەکی هونەریی تایبەتمەندمان پێکهێناوە له‌باره‌ی کشانەوەی هێزەکانی هاوپەیمانان
2021-04-19 [06:00 AM]

ZNA-هەولێر


سەرۆکوەزیرانی عێراق، مستەفا کازمی رایگەیاند: بەغدا سەرکەوتوو بووە لە سەپاندنی رێکارە یاساییه‌كان و دیارییکردنی کات بۆ کشانەوەی هێزەکانی هاوپەیمانی نێودەوڵەتیی لە عێراق.

نووسینگەی راگەیاندنی سەرۆکوەزیرانی عێراق لە راگەیەندراوێکدا بڵاویکردەوە، مسته‌فا کازمی لە ئێوارەخوانێکی بەربانگکردنەوەدا میوانداریی ژمارەیەک فەرماندەی سەربازیی و ئەمنیی کردووە و گوتەیەکی پێشکەش کردووە و ئاماژه‌ی به‌وه‌ كردووه‌، لەرێگەی گفتوگۆی بنیاتنەر و راستەقینەوە و بەرپرسیار سەرکەوتوو بووین لە سەپاندنی رێکاریی یاسایی و دیارییکردنی کات بۆ کشانەوەی هێزەکانی هاوپەیمانی نێودەوڵەتی، دوای ئەوەی هێزەکانی عێراق تەواو ئامادەن بۆ وەگرتنی بەرپرسیارییەتی ئەمنیی بۆ بەرەنگاربوونەوەی پاشماوەکانی داعش.

جه‌ختی له‌سه‌ر ئه‌وه‌ش كردووه‌ته‌وه‌، تاوەکو ئێستا ئاڵنگاریی و پێداویستی هەیە و بە قۆناغ دەستەبەری دەکەن تاکو هێزەکانی عێراق بەتەواوەتی ئامادەبن بۆ وەگرتنی هەر بەرپرسیارییەتییەک.

كازمی ئاشكراشی كردووه‌، لیژنەیەکی سەربازیی ـ هونەریی تایبەتمەندمان پێکهێناوە بۆ دیارییکردنی پێداویستی هێزەکانی عێراق و رێکارەکانی وەرگرتنی ئەرکەکان لە هاوپەیمانی نێودەوڵەتی.

لە حەوتی نیسانی دووهه‌زار و بیست و یه‌ك بەغدا و واشنتۆن، رایانگەیاند رێکەوتوون لەسەر گۆڕینی ئەرک و رۆڵی هێزەکانی ئەمه‌ریکا و هاپەیمانی نێودەوڵەتی دژی داعش بۆ ئەرکی راوێژ و مەشق و راهێنان لەگەڵ کشانەوەی هێزە شەڕکەرەکان بەپێی خشتەیەکی کاتی کە هەردوولا لە گفتوگۆ هونەرییه‌كانی داهاتوودا لەسەری رێکدەکەون.





ئەم هەواڵە 211جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad