English | عربی | Kurdî دواهەواڵ
ڕاستەوخۆ  
 
لە سلێمانی تۆمەتبارێك بە بڕێك ماددەی هۆشبەرەوە دەستگیر كرا
2021-04-19 [06:02 AM]

ZNA-هەولێر


مەفرەزەكانی نوسینگەی رۆژئاوای بەشی پۆلیسی نەهێشتنی تاوانی سلێمانی تۆمەتبارێكیان دەستگیركرد كە چەندین فەرمانی گرتنی هەبووەو لەكاتی دەستگیركردنیشیدا دەستگیراوە بەسەر بڕێك ماددەی هۆشبەر و چەكێك لە جۆری دەمانچە.

بەپێی راگەیاندراوێکی پۆلیسی سلێمانی کە لە هەژماری فەرمی خۆی لە تۆری کۆمەڵایەتیی (فەیسبووک) بڵاویکردووەتەوە و تێیدا هاتووە: "دوای ئەوەی لەلایەن چەند هاووڵاتییەكەوە سكاڵا تۆمار كرا كە دزییان لێكراوە، پۆلیسی سلێمانی لێكۆڵینەوەكانی دەستپێكرد و دوای وەرگرتنی بڕیاری دادوەر توانرا لەلایەن نووسینگەی ڕۆژئاوای بەشی پۆلیسی نەهێشتنی تاوانەوە تۆمەتبار بناسرێتەوە و دەستگیربكرێت و لە كاتی دەستگیركردنیشیدا دەستگیراوە بەسەر بڕێك ماددەی هۆشبەر لە جۆری كریستاڵ و پارچە چەكێكدا لە جۆری دەمانچە".

هەروەها ئاماژە بەوەش کراوە، کە تۆمەتبار (س، ع، ع) لەدایكبووی 1982، دانیشتووی شاری سلێمانی بە بڕیاری دادوەر ڕاگیراوە و لێكۆڵینەوە لە گەڵیدا بەردەوامە و بەرلەدەستگیرکردنیشی هەشت فەرمانی گرتنی هەبووە.





ئەم هەواڵە 280جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad