English | عربی | Kurdî دواهەواڵ
ڕاستەوخۆ  
 
قاسم شەشۆ: گەیشتوونەتە ئەو بڕوایەی ناتوانن چیتر لە ریزەكانی پەكەكەدا به‌رده‌وام بن
2021-04-20 [12:09 PM]

ZNA - هه‌ولێر


 

فەرماندەی ھێزەكانی پێشمەرگە لە شنگال وتی، ئەو كوردە ئێزییانەی لەناو پەكەكەن، بەردەوام پەیوەندی بە ئێمەوە دەكەن بۆ ئەوەی ببنە پێشمەرگە، چونكە نایانەوێت چیتر لە ریزەكانی پەكەكەدا بن، چونكە دەزانن پەكەكە بۆ بەرژەوەندیی خۆیان ھاتوون بۆ شنگال و لە كۆتاییدا لە شنگال نامێنن و پێویستە چۆڵی بكەن.

قاسم شەشۆ، رایگه‌یاند، "پەكەكە خەڵكێكی ئێمەیان هه‌ڵخه‌ڵه‌تاندوه‌ و بەشێكیش بۆ بژێویی ژیانیان چوونەتە ریزەكانیان، بەڵام ماوەیەكە بەردەوام پەیوەندی بە ئێمەوە دەكەن و داوا دەكەن ئەگەر بە پارەیەكی كەمیش بێت، وەریانبگرین و بیانكەین بە پێشمەرگە، تەنھا بۆ ئەوەی لە ریزەكانی پەكەكە نەمێنن، چونكە دەزانن پەكەكە بۆ بەرژەوەندیی خۆیان ھاتوون بۆ شنگال و لە كۆتاییدا لە شنگال نامێنن و پێویستە چۆڵی بكەن، بۆیە نایانەوێت چیتر لە ریزەكانی پەكەكە بن و ھەر چۆنێك بێت وازیان لێ بێنن، ھەم بۆ ئەوەی ئارامی بۆ شنگال بگەڕێتەوە و ھەمیش خزمەت لە ریزەكانی پێشمەرگەدا بكەن، چونكە گەیشتوونەتە ئەو بڕوایەی ناتوانن چیتر درێژە بە كاری چەكداری بدەن لە ریزەكانی پەكەكەدا".

فەرماندەی ھێزەكانی پێشمەرگە لە شنگال باسی له‌وه‌ش كرد، "خەڵكێكی زۆر بەردەوام پەیوەندیمان پێوە دەكەن و چاوەڕێی وەڵامی ئێمە دەكەن بۆ ئەوەی بیانكەین بە پێشمەرگە، ئێمەش سەرووی خۆمان لەو بابەتە ئاگادار كردووەتەوە، چونكە ھیچ كوردێكی ئێزدی ئینتیمای بۆ پەكەكە نییە".

ئاماژه‌ی به‌وه‌دا، "حكوومەتی عێراق ھەوڵ دەدات ئەو چەكدارانە بكاتە ھێزێكی سەر بە خۆی، ئەمەش مەترسیدارە، چونكە دەبێتە شەرعیەتدان بە پەكەكە، بۆ ئەوەی بە بەردەوامی لە شنگال بمێننەوە، بۆیە پێویستە رێگری لەو هەوڵە بكرێت".

 

KDP.info

 





ئەم هەواڵە 226جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad