English | عربی | Kurdî دواهەواڵ
ڕاستەوخۆ  
 
مەرەما مادا دستووری ل دۆر ھەرێمبوونا پارێزگەھان، ئەو پارێزگەھێن ژ دەرڤەی ھەرێما کوردستانێ
2021-04-21 [11:21 AM]

ZNA:هەولێر


شارەزایەکێ دستووری راگەھاند، ب درێژیا دیرۆکێ رستەیەک یا ھەی دھێتە بەرچاڤێن مە و بۆ مە دبێژیت، ئەوا ل مەیدانا شەری ب دەستڤەدئینین ژ ئەگەرێ نە تەباییێ ل دانوستاندناندا ژ دەست ددەین، ھەکە ب لەز ئەڤ رستەیە بھێتە بەرچاڤێن مە، ئێکسەر دو رەھندێن ھەین، یا ئێکێ: ئازایەتی و جامێری. یا دوویێ: کالفامی و نەزانین، ھەکە ھەتا نوکە وێ چەندێ نەزانین کو حەلەقا د گوھێ بیانی دا دێ مە بچووک کەت، نەکو گوە ل بۆچوونێن ھەڤدوو.

د. رێبین سەلام شارەزایێ دستووری ب ئاژانسا هەواڵا زاگرۆس راگەهاند: ئاشکرایە ١٥ پەرلەمانتارێن کورد ل بەغدا دژی کوردستانێ نە و ب زمانێ کوردی بەرگریێ ژ شوفینیێن دژی کوردستانێ دکەن” ھەروەسا گۆت” بزاڤەکا نەزۆکە و گاڤەکا لەرزۆکە دۆژمنێن ریفراندۆما ٢٠١٧ ھەر جارەکێ ب جۆرەکی دخوازن ئێکرێزیا مە تێک بدەن و ئەو ب خوە ژی دزانن کو ئەو چەندە بۆ پەیدا نابیت”.

دیارکر ژی” ب گۆرەی مادێ ١١٩ ژ دستوورێ عیراقێ، بۆ پارێزگەھان ھەیە داخواز بکەن ببنە ھەرێم، ئەڤ چەندە ژی ل سەر داخوازا ( ئێک ل سەر دەھێ) یا دەنگدەران، یان ژی (ئێک ل سەر سیێ) یا جڤاتێن پارێزگەھان، بھێتە پێشکێشکرن، بەلێ مەبەستا وێ مادا دستووری یا رۆھن و ئاشکرایە ئەوژی پارێزگەھێن دەرڤەی ھەرێما کوردستانێ یە”.

رێبین سەلام خویاکر ژی” سەبارەت لامەرکەزیێ، د بنەرەتدا ھەبوون بۆ لامەرکەزیا ئیداری و دارایی یا ھەی و ٨٥% ژ داھاتێ سلێمانیێ دچیتە د بەریکا حوکمرانێن سلێمانیێ دا، سەبارەت گرێدانا سلێمانیێ ب بەغدا ژی، سلێمانی پشکەکە ژ ھەرێما کوردستانێ و ھەرێم ژی ب گۆرەی مادێ ١١٧ ژ دستوورێ عیراقێ، ھەرێمەکا دانپێدانکری و شەرعی یە و خودانا دەستھەلاتێن قانوون دانانێ و بجھئینانێ و دادوەری یێن شەرعی و فەرمی یە”.





ئەم هەواڵە 301جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad