English | عربی | Kurdî دواهەواڵ
ڕاستەوخۆ  
 
پارێزگارێ دهۆكێ داخازكر كو وه‌لاتێ چیك پتر هاریكاریا ئاواره‌ وپه‌نابه‌ران وخوجهێن پارێزگه‌هێ بكه‌ت
2021-04-21 [12:59 PM]

ZNA- هەولێر


ئه‌ڤرو ئێڤارى 21-4-2021  ل كوچكا مێهڤانداریا به‌رێز د.على ته‌ته‌ر پارێزگارێ دهۆكێ پێشوازیا به‌رێز (میشێل زڤوو ڤوود) كونسلێ گشتى یێ وه‌ڵاتێ چیك وشاندێ پێرا كر.
دهه‌ڤدیتنه‌كێدا به‌حسێ په‌یوه‌ندیێن دوو قولى دناڤبه‌را گه‌لێ كورد و وه‌ڵاتێ چیك وره‌وشا ئاواره‌ وپه‌نابه‌ران  وبه‌رنامێن  پشته‌ڤانیێ ئه‌وێن وه‌ڵاتێ چیك دبیاڤێ په‌روه‌ردێ وته‌ندورستى وكومه‌ڵایه‌تیدا پێشكێشى ئاواره‌ و په‌نابه‌ر وخوجهێن پارێزگه‌ها دهۆكێ دكه‌ت هاته‌ كرن.
دته‌وه‌ركێ دن دا به‌حسێ هشكه‌سالیێ وكێمهاتنا  به‌فر وباران وكارتێكرنا وان ل سه‌ر ژێده‌رێن ئاڤێ وسه‌كته‌رێ چاندنێ ب گشتى هاته‌ كرن.
پارێزگارێ دهۆكێ خوشحالیا خو ب سه‌ره‌دانێ دیاركروسوپاسیا وه‌ڵاتێ چیك كر ل دور ئه‌و هاریكاریێن مرۆڤایه‌تى ئه‌وێن بو ئاواره‌ وپه‌نابه‌ران وخو جهێن پارێزگه‌هێ پێشكێشدكه‌ن وته‌كه‌زكر كو  نوكه‌ ژى رێژا ئاواره‌ وپه‌نابه‌ران ل پارێزگه‌هێ پتره‌ ژ 25% ژیا خوجهێن پارێزگه‌هێ وئه‌ڤێ  چه‌ندێ فشاره‌كا مه‌زن  لسه‌ر هه‌موو سه‌كته‌رێن خزمه‌تگوزارى كریه‌  وخواست كو پتر هاریكاریا ئاواره‌  وپه‌نابه‌ران بهێته‌ كرن .
ژلایێ خوڤه‌ كونسلێ ده‌وله‌تا چیك ته‌كه‌زكر كو به‌رنامێن وان یێن هاریكاریێ بو ئاواره‌ وپه‌نابه‌ران ل پارێزگه‌ها دهۆكێ دێ دبه‌رده‌وامبن.
هه‌ژى گوتنێ یه‌ حكومه‌تا چیك ل سالێن ده‌ربازبوى وب رێكا كونسلخانا خو ل كوردستانێ چه‌ند پرۆژێن  په‌روه‌رده‌یى  وته‌ندورستى وكومه‌ڵایه‌تى وبیاڤێن دن ل سنورێ پارێزگه‌هێ ئه‌نجامداینه‌ .





ئەم هەواڵە 190جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad