English | عربی | Kurdî دواهەواڵ
ڕاستەوخۆ  
 
لەسەر کوژرانی گەنجەکەی حاجیاوا دوو کەس دەستگیرکران
2021-04-22 [02:19 AM]

ZNA-هەولێر


وتەبێژی بەرێوبەرایەتی پۆلیسی راپەڕین راگەیاند، لەسەر کوژرانی ئەو گەنجەی شەوی رابردوو لە حاجیاوا بە دەستڕێژی گوللە کوژرا، دوو کەسیان دەستگیرکردوون. 
 
شەوی چوارشەممە ٢١ی ٤ی٢٠٢١ لە کاتژمێر ١٠:٣٠ خولەکی لە گەڕەکی دابانی ناحیەی حاجیاوای سەر بە قەزای رانیە گەنجێکی تەمەن ٣٣ ساڵی درایە بەر دەستڕێژی گوللە و دەستبەجێ گیانی لەدەستدا.
 
شۆڕش ئیسماعیل، وتەبێژی بەرێوبەرایەتی پۆلیسی راپەڕین، بە ئاژانسی ھەواڵی زاگرۆسی راگەیاند: لەسەر رووداوەکە دوو کەس دەستگیرکراون و بە بڕیاری دادوەر و بەپێی ماددەی ٤٠٦ لە یاسای سزادانی عێراقی راگیراون و لێکۆڵینەوەیان لەگەڵ دەکرێت.
 
وتەبێژی بەرێوبەرایەتی پۆلیسی راپەڕین گووتی: ئەو کەسەی کوژراوە ناوی سەرھەنگ خاڵند، خێزاندارە و باوکی دوو منداڵ بووە و شەوی رابردوو لەبەردەم ماڵی خۆی بە دەستڕێژی گوللە کوژراوە، دوای ئەوەی بردراوەتە دادپزیشکیی رانیە، تەرمەکەی رادەستی کەسوکاری کراوەتەوە.
 
ھەروەھا شۆڕش ئیسماعیل، وتەبێژی بەرێوبەرایەتی پۆلیسی راپەڕین ئەوەشی بۆ ئاژانسی ھەواڵی زاگرۆس خستەروو، کە تاوەکو ئێستا ھۆکاری کوشتنی گەنجەکە نازانن و لە لێکۆڵینەوەدان لەگەڵ ئەو کەسانەی کە دەستگیرکراون. 
 
 رێباز یونس

 

No description available.





ئەم هەواڵە 544جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad