English | عربی | Kurdî دواهەواڵ
ڕاستەوخۆ  
 
ل هه‌فتیا بهێت بكوژمێ (6) ملیار (500) ملیون دینارا وه‌كو قوناغا ئێكێ پرۆژه‌ ل ده‌ڤه‌رداریا ئاكرێ دێ هێنه‌ راگه‌هاندن
2021-04-22 [06:48 AM]

ZNA-هەولێر


بوو دووڤ چونا پرۆژێ خزمه‌تگوزارى وزانینا پێدڤیێن خه‌لكێ ده‌ڤه‌رێ  ئه‌ڤرو به‌رى نیڤرو  22-4-2021 به‌رێز د.على ته‌ته‌ر پارێزگارێ دهۆكێ ودگه‌لدا چه‌ند رێڤه‌به‌رێن فه‌رمانگه‌هێن په‌یوه‌ندیدار سه‌را ده‌ڤه‌رداریا ئاكرێ  دا  ژلایێ مازن سعید ده‌ڤه‌ردارێ ئاكرێ  ورێڤه‌به‌رێن فه‌رمانگه‌ها پێشوازى لێ هاته‌ كرن.
پاش پارێزگارێ دهۆكێ كومبونه‌ك دگه‌ل ده‌ڤه‌ردار وناوچه‌دار ورێڤه‌به‌رێن فه‌رمانگه‌هێن میرى ئه‌نجامدا ودیاركر كو سه‌روكێ حكومه‌تا هه‌رێما كوردستانێ به‌رێز مسرور بارزانى رازیبونا خو دیاركریه‌ كو ژماره‌كا پرۆژێن فه‌ر وپێدڤى وه‌كو  رێك وپرا وئاڤێ وته‌ندورستى وپه‌روه‌رده‌یى وكاره‌بێ  و...هتد  ببهایێ (6) ملیار  و(500)  ملیون دینارا وه‌كو قوناغا ئێكێ  ل سنورێ ده‌ڤه‌رداریا ئاكرێ  بهێنه‌ ئه‌نجامدان ول هه‌فتیا بهێت ئه‌و پرۆژه‌ دێ هێنه‌ راگه‌هاندن  .
هه‌روه‌سا گوت: بو قوناغێن ل دوڤدا ژماره‌كا دى یا پرۆژێن فه‌ر وگرێداى ب ژیانا رۆژانه‌ یا خه‌لكێ ده‌ڤه‌رێ ڤه‌ دێ هێنه‌ ده‌ست نیشانكرن پاش دێ هێنه‌ بجهئینان وته‌كه‌زكر كو هه‌موو پرۆژه‌ ب یه‌كسانى دێ ل سه‌ر هه‌موو  ده‌ڤه‌داریا هێنه‌ ئه‌نجامدان .
وداكوكیكر كو  ل قوناغێن بهێت بلا پتر پرۆژه‌ ل سه‌نته‌رێ باژێر وباژێركا بهێنه‌ ده‌ستنیشانكرن نه‌خاسمه‌ چێكرن وقێركرنا  جاده‌ وكولانكان.
پاش ده‌ڤه‌ردارێ ئاكرێ  راپورته‌ك ل دور پرۆژێن فه‌ر وپێدڤى به‌رچاڤكر وه‌كو پرۆژێن رێكا وئاریشا هشكه‌ سالیێ  بو وێ یه‌كێ ل قوناغێن بهێنه‌ ئه‌نجامدان.
دكونگره‌كێ رۆژنامه‌ڤانیدا پارێزگارێ دهۆكێ گوت:ئه‌م هاتینه‌ ده‌ڤه‌رداریێن به‌رده‌ره‌ش وئاكرێ بو راگه‌هاندنا كومه‌كا پرۆژێن خزمه‌تگوزارى ول هه‌فتیا بهێت ژماره‌كا وان پرۆژان دێ بنه‌ ته‌نده‌ر وهێنه‌ راگه‌هاندن ول قوناغا دووێ پتر پرۆژه‌ دێ هێنه‌ راگه‌هاندن وهنده‌ك پرۆژێن نیڤ تومام وه‌كو چێكرنا رێكا گوندێن ده‌ڤه‌را نه‌هلێ دێ هێنه‌ چێكرن.
هه‌روه‌سا ل رۆژێن بهێت كومبون ودان وستاندن دناڤبه‌را ده‌ڤه‌ردار ورێڤه‌به‌رێن فه‌رمانگه‌هێن په‌یوه‌ندیدار دێ هێنه‌ كرن وپرۆژێن فه‌ر بو قوناغا دووێ دێ هێنه‌ ده‌ستنیشانكرن پاش بهێنه‌ راگه‌هاندن.
پارێزگارێ دهۆكێ ته‌كه‌زكر كو سه‌ره‌رایى قه‌یرانا دارایى لێ سه‌روكێ حكومه‌تا هه‌رێما كوردستانێ نه‌هێلایه‌  پرۆژێن خزمه‌تگوزارى بهێنه‌ راوستاندن وبه‌رده‌وامى دایه‌ چێكرنا وان پرۆژان  و ل هه‌فتیێن بهێت پرۆژه‌ ل ده‌ڤه‌رداریێن دهۆك وسێمێل وجهێن دى ژى دێ هێنه‌ راگه‌هاندن.





ئەم هەواڵە 241جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad