English | عربی | Kurdî دواهەواڵ
ڕاستەوخۆ  
 
سه‌رۆك نێچيرڤان بارزانى پێشوازى له‌ كونسولى يۆنان كرد
2021-04-25 [10:59 AM]

ZNA-هەولێر


به‌يانيى ئه‌مڕۆ يه‌كشه‌ممه‌ 2021/4/25 به‌ڕێز نێچيرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ستاڤرۆس كيريميس كونسولى نوێى يۆنان له‌ هه‌رێمى كوردستان كرد.

له‌ ديدارێكدا سه‌رۆك نێچيرڤان بارزانى، پيرۆزباييى ده‌ستبه‌كاربوونى لێكرد و هيواى سه‌ركه‌وتنى بۆ خواست، هه‌موو هاوكارى و پشتگيرييه‌كى خۆيان و سه‌رۆكايه‌تيى هه‌رێمى كوردستانيشى بۆ سه‌ركه‌وتنى له‌ كار و ئه‌ركه‌كانيدا دووپات كرده‌وه‌.

به‌ڕێز كونسولى نوێى يۆنان له‌ هه‌رێمى كوردستان وێراى سوپاس و خۆشحاڵى به‌ ديداره‌كه‌، ڕايگه‌ياند به‌ڕێز سه‌رۆك وه‌زيران و به‌رپرسانى ديكه‌ى يۆنان زۆر بايه‌خ و گرنگى به‌ په‌يوه‌ندييه‌كانمان له‌گه‌ڵ هه‌رێمى كوردستان ده‌ده‌ن و گه‌ل و حكوومه‌تى يۆنان به‌ ڕێزه‌وه‌ له‌ ئه‌زموونه‌كه‌تان له‌ هه‌رێمى كوردستان ده‌ڕوانن.

هه‌ردوولا جه‌ختيان له‌ بره‌ودانى زياتر به‌ په‌يوه‌ندييه‌كان به‌تايبه‌تى له‌ بوارى په‌روه‌رده‌يى و بازرگانيدا كرده‌وه‌‌ و دۆخى عێراق به‌گشتى، په‌يوه‌ندييه‌كانى هه‌ولێر ـ به‌غدا، مه‌ترسييه‌كانى تيرۆر و سه‌رهه‌ڵدانه‌وه‌ى داعش و چه‌ند پرسێكى جێى بايه‌خى هاوبه‌شيان تاوتوێ كرد.





ئەم هەواڵە 220جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad