English | عربی | Kurdî دواهەواڵ
ڕاستەوخۆ  
 
لیژنەی پەیوەندییەکان و ڕەوەندی کوردستانی چەند پرسێکی گرنگ تاووتوێ ده‌كات
2021-04-27 [01:07 AM]

ZNA- هەولێر


بەمەبه‌ستی تاووتوێکردنی چەند پرسێکی گرنگی پەیوەست بەكارى لیژنەكه‌، سه‌عات 9ى شه‌وى دووشەممە 2021/4/26، لیژنەى پەیوەندییەکان و ڕەوەندی کوردستانی، بەسەرپەشتیی د.ڕێبوار بابکەیی سەرۆکی لیژنەو ئامادەبوونی جێگری سەرۆکى لیژنەو ژماره‌یه‌ك له‌ئەندامان و ڕِاوێژکارانی لیژنەكه‌، بەشێوه‌ی ئۆنڵاین کۆبووه‌وه‌.
سەرەتای کۆبوونەوەكه‌، سەرۆکی لیژنە بەگرنگییەوە باسى لەوردەکارییە هونه‌ری و ته‌كنیكییه‌كانى په‌یوه‌ست بەسازکردنی دیدارێک کرد، کەبڕیارە لیژنەكه‌ بەمەبه‌ستی گەنگەشەکردنی ئەو پێشھات و ئاڵنگارییانەی ڕووبەڕووی ھەرێمی کوردستان دەبنەوە بەئامادەبوونی مامۆستایانی زانکۆو شارەزایانی سیاسی ئه‌نجامى بدات، دیدارەكه‌ بۆ ھەڵوەستەکردنه‌ لەسەر پێشھاتەکان له‌سه‌ر چه‌ند ئاستێک، لەوانە ئاستی عێراقی و کوردستانی و ناوچەیی.
تەوەرێکی دیكه‌ی کۆبوونەوەكه‌، قسەکردن بوو لەسەر دواکەوتنی ڕاپۆرتی نوێنەرایەتییەکانی حکومەتی ھەرێم لەدەرەوە كه‌بڕیاربوو بگات به‌ده‌ست به‌لیژنه‌كه‌، بۆ ئەو مەبەستەش لیژنە بڕیاریدا بەدواداچوونى زیاتر بۆ کاری نوێنەرایەتییەکانی حکومەتی ھەرێمی کوردستان بكات و نوسراوێک ئاراستەی فەرمانگەی پەیوەندییەکان بکات و تیایدا داوای ناردنی ڕاپۆرتی وەرزی نوێنەرایەتییەکانی دەرەوە بکات وەک لەکۆبوونەوەی پێشترى نێوان هه‌ردوولادا بڕیاری لەسەر درابوو.





ئەم هەواڵە 307جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad