English | عربی | Kurdî دواهەواڵ
ڕاستەوخۆ  
 
لیژنەى ناوخۆو ئاسایش و ئەنجوومەنە خۆجێیەکان بۆ گفتووگۆكردن لەسەر پڕۆژەیاسای خانەنشینیی ھێزەکانی ئاسایش و ناوخۆ كۆبووه‌وه‌
2021-04-27 [06:24 AM]

ZNA-هەولێر


بەمەبه‌ستی تاووتوێکردنی چەند پرسێکی گرنگی پەیوەست بەکاری لیژنەکە، پێشنیوەڕۆى ئەمڕۆ سێشەممە 2021/4/27، لیژنەی ناوخۆو ئاسایش و ئەنجوومەنە خۆجێیەکان، بەسەرپەرشتیی شاخەوان ڕەئوف بەگ سەرۆکی لیژنەو ئامادەبوونی جێگری سەرۆکى لیژنە و بڕیاردەرو ئەندامان و ڕاوێژکارانی لیژنەكه‌ کۆبووەوە.

سەرەتای كۆبوونەوەكە خوێندنەوە بۆ سەرجەم ئەو نوسراوو یاداشتانە كرا كەئاڕاستەی لیژنەكه‌ كرابوون، دوای گفتوگۆكردن و بیروڕا گۆڕینەوە، ئەوانەی پێویستییان به‌وەڵامدانەوە هه‌بوو وه‌ڵامدرانه‌وه‌، ئەوانه‌ی تریش ئاڕاستەی سەرۆكایەتیی پەرلەمان كران به‌مه‌به‌ستی چاره‌سه‌ركردنیان تاوەکو ئەوانیش ئاڕاستەی لایەنە پەیوەندیدارەكانی بکەن.

ھەر لەكۆبوونەوەكەدا بەگرنگییەوە گفتوگۆ لەسەر ھەمواری یاسای ژمارە(16)ی ساڵی 1993 یاساى ھەڵگرتنی چەک کرا.

تەوەرێکی دیكه‌ی کۆبوونەوەكه‌ گفتوگۆکردن بوو لەسەر پڕۆژەیاسای خانەنشینیی ھێزەکانی ئاسایش و ناوخۆو دیاریکردنی مافەکانیان لەناو ئەو پڕۆژەیاساكە.

لەکوتایی كۆبوونه‌وه‌كه‌شدا لیژنە بڕیاریدا چەند لیژنەیەکی لاوەکی پێکبھێنرێت بۆ بەدواداچوونی واجیباتی ھێزەکانی ناوخۆو چەند بابەتێكی تری پەیوەست بەکاری لیژنەكه‌.





ئەم هەواڵە 313جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad