English | عربی | Kurdî دواهەواڵ
ڕاستەوخۆ  
 
سەرۆکی حکومەتی ھەرێمی کوردستان پێشوازی لە باڵیۆزی ڤاتیکان لە عێراق دەکات 
2021-04-28 [04:22 AM]

ZNA- ھەولێر 


ئەمڕۆ چوارشەممە ٢٠٢١/٤/٢٨ مەسرور بارزانی سەرۆکی حکومەتی ھەرێمی کوردستان ، پێشوازی لە میتیا لێسکۆڤار باڵیۆزی ڤاتیکان لە عێراق کرد . 

باڵیۆزی ڤاتیکان سوپاس و پێزانینی پاپای ڤاتیکانی بە سەرۆکی حکومەتی ھەرێمی کوردستان گەیاند بۆ سەرخستنی سەردانەکەی بۆ ھەرێمی کوردستان  و پاراستن و میوانداریکردنی کریستیانەکان و ئاوارە و پەنابەران و ھەموو ئەوانەی لە ترسی ستەم و چەوساندنەوە، ڕوو لە ھەرێمی کوردستان دەکەن. 

سەرۆکی حکومەت، پابەندبوونی حکومەتی ھەرێمی کوردستانی بە پەرەپێدان و بەھێزکردنی کولتووری بەیەکەوەژیانی ئاشتییانەی ئایینی و نەتەوەیی لە ھەرێمی کوردستان دووپات کردەوە و سەردانی قەداسەتی پاپای بۆ عێراق و ھەرێمی کوردستان، بە مێژوویی ناوبرد و خوازیاربوو ، کە ببێتە ھۆی برەودانی زیاتر بە کولتووری لێبوردەیی و بەیەکەوەژیانی ئاشتییانە لە نێوان پێکھاتە جیاوازەکانی عێراقدا. 

لە تەوەرێکی دیکەی کۆبوونەوەکەدا، گفتوگۆ دەربارەی پەیوەندیی نێوان ھەرێمی کوردستان و حکومەتی فیدراڵی و گرنگیی جێبەجێکردنی یاسای بودجە و ناردنی شایستە داراییەکانی ھەرێمی کوردستان لە نزیکترین کاتدا کرا . 

ھەروەھا باردودۆخی دەشتی نەینەوا و ناوچە کوردستانییەکانی دەرەوەی ئیدارەی ھەرێم، تاووتوێ کرا و جەخت لە ئاساییکردنەوەی دۆخی ئەو ناوچانە و جێبەجێکردنی ماددەی ١٤٠ ی دەستوور کرایەوە.





ئەم هەواڵە 280جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad