English | عربی | Kurdî دواهەواڵ
ڕاستەوخۆ  
 
ل دهۆكێ گوهورین دناڤ رێڤه‌به‌رێن فه‌رمانگه‌هێن ئێمناهیێ دا هاتنه‌ ئه‌نجامدان
2021-04-28 [04:39 AM]

ZNA-هەولێر


دچارچوڤێ گوهورینێن به‌رده‌وام یێن دناڤ دام وده‌زگه‌هێن حكومه‌تا هه‌رێما كوردستانێ دا ل سنورێ پارێزگه‌ها دهۆكێ دهێنه‌ ئه‌نجامدان ئه‌ڤرۆ ل دهۆكێ چه‌ند گوهۆرێن ناڤ رێڤه‌به‌ریێن ئێمناهیێ دا هاته‌ ئه‌نجامدان.

لیوا تارق، رێڤه‌به‌رێ گشتى یێ پولیسێن هه‌رێمێ بناڤێ خو وه‌زیرێ نافخو سوپاسى و ده‌ست خوشى ل هه‌موو رێڤه‌به‌رێن به‌رێ كر ل دور ئه‌و خزمه‌تا ل سالێن ده‌ربازبوى پێشكێشكرى هه‌روه‌سا پیروزباهیا رێڤه‌به‌رێن نوو كر وسه‌ركه‌فتن بو هه‌موویان خواست ودیاركر كو هه‌ر رێڤه‌به‌ره‌ك ل گور به‌رپرسیاریا خوخزمه‌تا ته‌ناهیا ده‌ڤه‌رێ بكه‌ت ویاسایێ بجهبینیت.

د. عه‌لى ته‌ته‌ر، پارێزگارێ دهۆكێ دپه‌یڤه‌كێدا گوت: "گوهورین دناڤ ده‌زگه‌هێن میرى دا تشته‌كێ باش وسروشتیه‌ وسوپاسیا هه‌موو رێڤه‌به‌را كر ل دور ئه‌و خزمه‌تا ل سالێن ده‌ربازبوىدبیاڤێ به‌رقراكرنا ته‌ناهیا پارێزگه‌هێ دا پێشكێشكرى".

گوتژی: "پارێزگه‌ها دهۆكێ ل سه‌ر ئاستێ هه‌رێمێ وعیراقێ یا ئێكێ یه‌ بو به‌رقراركرنا ته‌ناهیێ وچه‌سپاندنا یاسایێ وداخاز ژرێڤه‌به‌رێن نوو كر كو باشتر ته‌ناهیا ده‌ڤه‌رێ بهێته‌ به‌رقراكرن".

عەمید(فه‌خرى احمد مجید) رێڤه‌به‌رێ نوو یێ پولیسێن دهۆكێ ل شوونا عەمید(شعلان احمد) هاته‌ دانان و عه‌مید(ابراهیم عه‌گید سدیق) وه‌كو رێڤه‌به‌رێ نوو یێ پولیسێن هاتن وچونێ ل دهۆكێ ل شوونا عەمید (فه‌خرى احمد ) هاته‌ دانان و عەمید(رێبه‌ر عبدالعزیز) وه‌كو رێڤه‌به‌رێ نوو یێ ره‌گه‌زنامێ ل دهۆكێ ل شوونا عەمید (ابراهیم عگید )هاته‌ دانان وعەمید شعلان ئەحمەد رێڤه‌به‌رێ پولیسێن دهۆك ب وه‌كاله‌ت هاته‌ ڤه‌گوهاستن بو دیوانا وه‌زاره‌تا نافخویى.

 





ئەم هەواڵە 289جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad