English | عربی | Kurdî دواهەواڵ
ڕاستەوخۆ  
 
کۆرۆنا لە رۆژئاوای كوردستان په‌ره‌ی سه‌ندوه‌، ئه‌گه‌ر هه‌یه‌ تێستی ڤایرۆسه‌كه‌ش له‌ناوبچێت
2021-05-01 [11:32 AM]

ZNA - هه‌ولێر


 

لیژنەی نێودەوڵەتیی فریاکەوتن دەڵێت پێداویستیی دەرخستنی کۆرۆنا لە باکووری خۆرهەڵاتی سووریا کەمی کردووە و لێکەوتەکەشی ئەوەیە کە کۆرۆنا لەو ناوچەیەدا پەرەی سەندووە، داوای لە نەتەوەیەکگرتووەکانیش کرد، پێداویستیی زیاتریش لە ڕێگای ڕێڕەوی سنووریی یەعروبیەوە بگەیێنێتە باکووری خۆرهەڵاتی سووریا.

میستی بازۆل بەڕێوەبەری لقی سیاسی و پشتگیری لە لیژنەی نێودەوڵەتیی فریاکەوتن لە ڕۆژهەڵاتی ناوەڕاست-ئەریقا رایگه‌یاند، ڕێژەی پێداویستیی تێستی کۆرۆنا لە ناوچەی باکووری ڕۆژهەڵاتی سووریا زۆر کەمە و ئەگەریش هەیە بەتەواوی لەناو بچێت.

ناوبراو لە بەیاننامەێکیدا لەبارەی قەیراناوی بوونی دۆخی ئێستای باکووری خۆرهەڵاتی سووریا وتی، لە سەرەتاوە تا ئێستا تەنها 41500 حاڵەتی تووشبوون بە کۆرۆنا لە ناوچەی ژێردەسەڵاتی کوردی سووریا تۆمار کراوە و تاقیگەی قامیشلۆ وەک سەرەکیترین سەنتەری تاقیکردنەوەی کۆرۆنا چیتر توانای ئەنجامدانی تێستی بۆ هاووڵاتییان نەماوە.

لەبارەی ڕێژەی ژەمی تەرخانکراوی ڤاکسێنی کۆرۆنا بۆ ناوچەی ژێردەسەڵاتی کوردی سووریا میستی بازۆل باسی له‌وه‌ كرد، 10 هەزار ژەم بۆ پاراستنی فەرمانبەرانی تەندروستی و ئەو کەسانی لە مەترسیدان نێردراوەتە ئەم ناوچەیە.

لیژنەی نێودەوڵەتیی فریاکەوتن داوای لە نەتەوەیەکگرتووەکان کردووە بودجەی زیاتر تەرخان بکات و پێداویستیی زیاتریش لە ڕێگای ڕێڕەوی سنووریی یەعروبیەوە بگەیێنێتە باکووری خۆرهەڵاتی سووریا.

ئەمڕۆ شەممە دەستەی تەندروستی ئیدارەی خۆسەر لە بەیاننامەیەکدا ئاشکرای کرد، بەهۆی ڤایرۆسی کۆرۆنا 15 کەسی دیکە گیانیان لە دەستداوە، کە بەمشێوەیە: لە حەسەکە 4 کەس لە قامیشلۆ 3 کەس، لە دێرک 3 کەس، لە تەبقە 2 کەس و 3 کەسی دیکەش لە دێرەزوور گیانیان لەدەستداوە.

بەگوێرەی بەیاننامەکە، 130 تووشبووی نوێ لە رۆژئاوای کوردستان تۆمارکراوە، کە 83 پیاو و 47 ئافرەتن بەجۆرێك لە حەسەکە 45 حاڵەت، لە قامیشلۆ 16، لە دێرک 5، لە درباسپیە 2 کەس، لە جل ئاغا یەک کەس، لە رەققە 28 کەس، لە دێرەزوور 29 و لە مخیم رۆژ 4 تووشبووی دیکە تۆمارکراون، هاوکات 9 حاڵەتی چاکبوونەوەش تۆمارکراوە.

تاوەکو ئێستا ژمارەی تووشبووان بە کۆرۆنا لە ئیدارەی خۆسەری رۆژئاوای کوردستان گەیشتووەتە، 19563 تووشبوو کە 593 تووشبوو گیانیان لەدەستداوە و 1629 تووشبووش چاکبوونەتەوە.

کوردپرێس





ئەم هەواڵە 226جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad