English | عربی | Kurdî دواهەواڵ
ڕاستەوخۆ  
 
پارێزگاری هەولێر، پێشوازی لە وەزیری کۆچ و کۆچبەرانی عێراق کرد
2021-05-01 [02:19 AM]

ZNA- هەولێر


ئەمڕۆ شەمە 2021.5.1، ئومێد خۆشناو، پارێزگاری هەولێر، لەدیوانی پارێزگا، پێشوازی لە ئیڤان فایەق، وەزیری کۆچ و کۆچبەرانی عێراق و شاندێکی یاوەری کرد.

لە کۆبوونەوەکەدا، وێڕای تەئکیدکردنەوە لە پتەوکردنی پەیوەندییەکان، گفتوگۆ لەبارەی دۆخی کۆچبەران و ئاوارەکانی سنووری پارێزگای هەولێر کرا، لەلایەن خۆیەوە وەزیری کۆچ و کۆچبەرانی عێراق، سوپاسی پارێزگاری هەولێری کرد بۆ هەموو ئەو هاوکاری و یارمەتییەی لەسنووری پارێزگای هەولێر بە بێ هیچ جیاوازییەک پێشکەش بە ئاوارە و پەنابەران کراوە و ئامادەیی وەزارەتەکەشی نیشاندا بۆ هەر هەماهەنگی و هاوکارییەکی پێویست لەگەڵ پارێزگای هەولێر.

پارێزگاری هەولێر، وێڕای بەگەرمی بەخێرهێنانی وەزیری کۆچ و کۆچبەرانی عێراق، ڕایگەیاند: "سەرباری دۆخی سەختی ئابووری، وەکو حکومەتی هەرێم و پارێزگای هەولێر بەردەوام ویستوومانە باشترین خزمەت پێشکەش بە زیاتر لە ملیۆنێک و دووسەد هەزار پەنابەر و ئاوارە بکەین، دڵنیاتان دەکەینەوە کە هەولێری پایتەخت هەمیشە پەناگەیەکی ئارام دەبێت بۆ ئاوارە و لێقەومان و هەموو ئەوانەشی لە ترسی تیرۆر و تۆقاندن و چەوساندنەوە ڕوو دەکەن شارەکەمان".





ئەم هەواڵە 355جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad