English | عربی | Kurdî دواهەواڵ
ڕاستەوخۆ  
 
نێچیرڤان بارزانی بانگهێشتامه‌يه‌كى له‌ شێخ محه‌مه‌د بن زایده‌وه‌ پێده‌گات
2021-05-03 [11:56 AM]

ZNA - هه‌ولێر



 

به‌یانیی ئه‌مڕۆ دووشه‌ممه‌ 3/5/2021 به‌ڕێز نێچیرڤان بارزانی سه‌رۆكی هه‌رێمی كوردستان، پێشوازی له‌ به‌ڕێز ئه‌حمه‌د ئیبراهیم ئه‌لزاهری، كونسولى گشتیی میرنشینی یه‌كگرتووی عه‌ره‌بی (ئیمارات) له‌ هه‌ولێر كرد.

له‌ دیدارێكدا به‌ڕێز كونسوڵی گشتیی ئیمارات سڵاو و ڕێزی به‌ڕێزان سه‌رۆك و سه‌رۆك وه‌زیران و جێنشینی ئه‌بو زه‌بی به‌ سه‌رۆك نێچیرڤان بارزانی ڕاگه‌یاند و بانگهێشتنامه‌يه‌كى به‌ڕێز شێخ محه‌مه‌د بن زاید ئال نه‌هيان جێنشینی ئه‌بو زه‌بی و جێگری فه‌رمانده‌ی باڵای هێزه‌ چه‌كداره‌كان، بۆ سه‌ردانى ئيمارات، ڕاده‌ستی به‌ڕێز سه‌رۆكی هه‌رێمی كوردستان كرد كه‌ تيايدا خواستى ئيماراتى بۆ بره‌ودان به‌ په‌يوه‌ندييه‌كانى له‌ هه‌موو بواره‌كاندا له‌گه‌ڵ هه‌رێمى كوردستان دووپات كرده‌وه‌.

سه‌رۆك نێچیرڤان بارزانی سڵاو و ڕێزی خۆی به‌ به‌ڕێزان سه‌رۆك و سه‌رۆك وه‌زیران و شێخ محه‌مه‌د بن زاید ئال نه‌هيان گه‌یاند و سوپاس و خۆشحاڵیی خۆيانى به‌ بانگهێشته‌كه‌يان ده‌ربڕى و ڕايگه‌ياند له‌ كاتێكی گونجاودا بۆ هه‌ردوولا سه‌ردانه‌كه‌ ئه‌نجام ده‌ده‌ن، هه‌روه‌ها په‌یوه‌ندی و دۆستایه‌تیی عێراق و هه‌رێمی كوردستانی له‌گه‌ڵ سه‌ركردایه‌تی و حكوومه‌ت و گه‌لی ئیمارات به‌رز نرخاند.

تاوتوێكردنی دوایین په‌ره‌سه‌ندنه‌كانی عێراق به‌گشتی، هه‌ڵبژاردنه‌كانی داهاتووی عێراق، په‌یوه‌ندییه‌كانى عێراق و هه‌رێمی كوردستان له‌گه‌ڵ ئیمارات و گرنگيی زیاتر په‌ره‌پێدانیان له‌ بواره‌كانی ئابووری و بازرگانیدا، لایه‌نێكی دیكه‌ی دیداره‌كه‌ بوو.





ئەم هەواڵە 271جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad