English | عربی | Kurdî دواهەواڵ
ڕاستەوخۆ  
 
ساسان عەونی: 8ی حەسارۆك دەبێتە یەكێك لە گەورەترین گەڕەكەكانی هەولێر و لە ئایندەیەكی نزیكدا خزمەتگوزاری دەگەیەندرێتە چەند شوێنێكی دیكەی شاری هەولێر
2021-05-12 [09:07 AM]

ZNA_ هەولێر


ئێوارەی ئەمڕۆ چوارشەممە (12ی ئایاری 2021) مەسرور بارزانی سەرۆكی حكوومەتی هەرێمی كوردستان بە مەبەستی بەدواداچوون و چۆنیەتی گەیاندنی خزمەتگوزاری بە زەوییەكانی 8ی حەسارۆك لە شاری هەولێر،  سەردانێكی مەیدانی شوێنەكەی كرد كە لەمیانەی سەردانەكەیدا، ساسان عەونی وەزیری شارەوانی و گەشتوگوزار و پارێزگاری هەولێریش یاوەری سەرۆكی حكوومەت بوون.

مەسرور بارزانی، سەرۆكی حكوومەتی هەرێمی كوردستان لەسەر زەوییەكانی 8ی حەسارۆك لە گوتەیەكدا وەزارەتی شارەوانی و گەشتوگوزاری راسپارد كە بەزووترین كات خزمەتگوزاری بگەیەندرێتە 8ی حەسارۆك و مۆڵەتی بیناكردنیش بدرێتە خاوەنی زەوییەكان. لەمبارەیەوە ساسان عەونی، وەزیری شارەوانی و گەشتوگوزار دەڵێ 8ی حەسارۆك لەكاتی تەواوبوونیدا دەبێتە یەكێك لە گەورەترین گەڕەكەكانی شاری هەولێر كە زیاتر لە 15 هەزار پارچە زەویی نیشتەجێبوون لەگەڵ زەویی بازرگانی و باڵەخانە و خزمەتگوزارییەكانی دیكەش لەخۆدەگرێت و دوای تەواوبوونیشی نزیكەی 90 هەزار كەس لێی نیشتەجێ دەبن.

سەبارەت بە هەوڵەكانی كابینەی نۆیەم بۆ گەیاندنی خزمەتگوزاری بەو شوێنە، وەزیری شارەوانی و گەشتوگوزار دەڵێ: بەرنامەی كابینەی نۆیەم ئەوەیە كە كار و خزمەتگوزاریی زیاتر بۆ هەموو شوێنەكان دابین بكرێت، دیارە یەكێكیش لەو كێشانەی بەردەوام رووبەڕووی سەرۆكایەتیی شارەوانیی هەولێر و ئیدارەی پارێزگای هەولێریش دەبووەوە، كێشەی 8ی حەسارۆك و داواكاری خەڵكەكەی بوو بۆ ئەوەی مۆڵەتی بیناكردنیان پێبدرێت، بەڵام بەهۆی تێچووی زۆر، ئەو مۆڵەتە نەدەدرایە خەڵكەكە، هەروەها لە بابەتی ئاوی خواردنەوەشدا، ئەو شوێنە كێشەی نزمی ئاستی ئاوی ژێر زەوی هەیە و ئەمەش یەكێك لە گرفتەكانی دیكە بووە، سەرەڕای ئەوەی شوێنەكە خۆیشی رووبەرێكی یەكجار گەورەیە و ئاوەدانكردنەوەی ئاسان نییە.

ساسان عەونی، وەزیری شارەوانی و گەشتوگوزار ئاماژە بە بڕیاری بەڕێز مەسرور بارزانی سەرۆكوەزیرانی كوردستان دەكات كە دەبێت بەزووترین كات خزمەتگوزاری بگەیەندرێتە 8ی حەسارۆك و لەمبارەیەوە وەزیری شارەوانی دەڵێ: پێشتر جەنابی كاك مەسرور بارزانی سەركوەزیران ئاگاداری ئەو كێشەیە بوو، ئەوەبوو تیمی وەزارەتی شارەوانی و گەشتوگوزار و پارێزگای هەولێری راسپارد كە ئیش لەسەر ئەو بابەتە بكرێت، دواتر تیمەكانی شارەوانیی هەولێر و بەڕێوەبەرایەتیی ئاو و ئاوەڕۆ ماوەیەكی باش كاریان لەسەر ئەو بابەتە كرد و دواتر پلانەكە خرایە بەردەم جەنابی سەرۆكوەزیران و ئەویش نەیوست تەنیا لەسەر نەخشە و كاغەزدا سەیری بكات، بۆیە زۆر بە خۆشحاڵییەوە خۆی حەزی كرد بە شێوەیەكی مەیدانی سەردانی 8ی حەسارۆك بكات و شوێنەكە بە چاوی خۆی ببینێت، ئەوەبوو ئەمڕۆ موژدەی ئەوەی بە خەڵكەكە دا كە حكوومەت كارئاسانیان بۆ دەكات بۆ بیناكردن و گەیاندنی خزمەتگوزاری بە هەشتی حەسارۆك. 
ئامانجی سەرۆكوەزیرانی هەرێمی كوردستان ئەوەیە كە خزمەتگوزاری بگەیەندرێتە ئەو شوێنانەی كە پێویستیان پێیەتی و كێشەی هاوشێوەی هەشتی حەسارۆك چارەسەر بكرێن و خزمەتگوزاریان پێ بگەیەندرێت بۆ ئەوەی لە ماوەیەكی نزیكدا ئاوەدانی لەو شوێنانەش دەستپێبكات. 

راگەیاندنی وەزارەتی شارەوانی و گەشتوگوزار





ئەم هەواڵە 475جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad