English | عربی | Kurdî دواهەواڵ
ڕاستەوخۆ  
 
گرژی کەوتە نێوان حەلبووسی سەرۆکی حەشدی شەعەبی
محەمەد حەلبووسی، سەرۆکی ئەنجومەنی نوێنەرانی عێراق
2021-05-13 [04:28 AM]

ZNA – هەولێر


محەمەد حەلبووسی سەرۆکی ئەنجومەنی نوێنەرانی عێراق، فالح فەیاز سەرۆکی حەشدی شەعبیی بە دەرفەت‌وەرگرتن بە سوودی حزبی خۆی تۆمەتبار کرد.

سەرۆکی ئەنجومەنی نوێنەرانی عێراق لە گفتوگۆیەکی تەلەفزیۆنی‌دا گوتی: "هەندێک لە بەرپرسانی ئەمنیی عێراق لە نێوایاندا سەرۆکی رێکخراوی حەشدی شەعبی، بە ئامانجی سەرکەوتن لە هەڵبژاردن دەرفەت لە پۆستەکەیان وەردەگرن."

حەلبووسی گوتی، ئاخۆ کەس ئەو ئیزنە دەدات وەزیری بەرگری بۆ بەڕێوەبردنی حزب کەڵک لە پۆستەکەی وەربگرێت و کەرەستەی وەزارەت بخاتە بەر دەست حزبەکەیەوە؟  حەلبووسی گوتی: هەر ئەواش نابێ فەرماندەی حەشد و بەرپرسانی حەشدی شەعبی و حەشدی عەشاریەریش ئەم کارە بکەن.

سەرۆکی ئەنجومەنی نوێنەران ئاماژەی بە پارێزگای نەینەوا و کەرکووک کردووە و دەڵێت "خەڵک و چەکدار لەم ناوچانە ئاڵوگۆڕیان پێ‌کراوە و ئەم بابەتەشمان لەگەڵ فەرماندەیی گشتیی هێزە چەکدارەکان باس کردووە."  

حەلبووسی گوتی:" ئەگەر دۆخەکە بەم ئاقارەدا درێژەی هەبێت، لە ئەنجومەنی نوێنەران بەرەوڕوویان دەبینەوە."

فالح فەیاز لە وڵامدا دەڵێت ئەم قسانەی حەلبووسی بۆ دەرکردنی یەکێک لەو فەرماندانە دەگەڕێتەوە کە لاینەگریی حەلبووسیی کردووە.

ئەم بەریەک‌کەوتنەی حەلبووسی و فەیاز لە کاتێکدایە کە بەرەو هەڵبژاردنەکانی عێراق خۆپێشاندان و گرژی و تیرۆر و دابەشبوونی لایەنی شیعە و بەشە جیاکانی حەشدی شەعبیش لە پەرەسەندن دایە.





ئەم هەواڵە 418جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad