English | عربی | Kurdî دواهەواڵ
ڕاستەوخۆ  
 
شاندێكی ئه‌مریكا سه‌باره‌ت به‌فڕۆكه‌خانه‌ی كابول سه‌ردانی توركیا ده‌كات
2021-06-24 [12:18 PM]

ZNA - هه‌ولێر


 

شاندێك كه‌ پێكهاتووه‌ له‌ به‌رپرسانی وه‌زاره‌ته‌كانی به‌رگریی و ده‌ره‌وه‌ی ئه‌مریكا، به‌ مه‌به‌ستی تاوتوێكردنی ئاسایشی فڕۆكه‌خانه‌ی حامید كارزای له‌ كابوڵی پایته‌ختی ئه‌فغانستان، سه‌ردانی توركیا ده‌كه‌ن.

گوته‌بێژی وه‌زاره‌تی به‌رگریی ئه‌مریكا، رائید رۆب لۆدویك رایگه‌یاند، ئه‌م هه‌فته‌یه‌ شاندێك كه‌ پێكهاتووه‌ له‌ به‌پرسانی وه‌زاره‌ته‌كانی به‌رگریی و ده‌ره‌وه‌ی ئه‌مریكا، به‌ مه‌به‌ستی تاوتوێكردنی ئاسایشی فڕۆكه‌خانه‌ی كابوڵ له‌ ئه‌فغانستان، سه‌ردانی توركیا ده‌كه‌ن.

رۆب لۆدویك له‌باره‌ی ورده‌كارییه‌كانی كۆبوونه‌وه‌ی شانده‌كه‌ زانیاریی نه‌دا به‌ڵام سه‌رۆكی ئه‌ركانی سوپای ئه‌مریكا، جه‌نه‌راڵ مارك میڵی، له‌میانی دانیشتنێكدا سه‌باره‌ت به‌ بوودجه‌ی به‌رگریی ٢٠٢٢ له‌ لیژنه‌ی هێزه‌ چه‌كداره‌كان سه‌ربه‌ ئه‌نجوومه‌نی نوێنه‌رانی ئه‌مریكا، ئاماژه‌ی به‌وه‌كرد هێشتا هیچ رێككه‌وتنێكی نووسراو نییه‌ به‌ڵام پێشڤه‌چوون له‌ كۆبوونه‌وه‌كاندا هه‌یه‌.

مارك میڵی رایگه‌یاند: "ئه‌م هه‌فته‌یه‌ كۆبوونه‌وه‌یه‌كمان (له‌گه‌ڵ توركیادا) هه‌یه‌. پێموایه‌ ته‌نها به‌شی كۆتایی رێككه‌وتنه‌كه‌ ماوه‌. نامه‌وێت له‌جیاتی توركیا قسه‌ بكه‌م و پێشوه‌خته‌ ئه‌نجامی كۆتایی رێككه‌وتنێك رابگه‌یه‌نم به‌ڵام دڵنیام له‌وه‌ی ئاسایشی فڕۆكه‌خانه‌ی كابوڵ ده‌سته‌به‌ر ده‌كرێت".

توركیا له‌ چوارچێوه‌ی ئه‌ركه‌كانی ناتۆدا ماوه‌ی شه‌ش ساڵه‌ ئه‌ركی به‌ڕێوه‌بردنی فڕۆكه‌خانه‌ی حامید كارزای له‌ كابوڵ پایته‌ختی ئه‌فغانستان له‌ ئه‌ستۆدایه‌.

له‌ كاتێكدا كه‌ ئه‌مریكا هێزه‌كانی سوپای وڵاته‌كه‌ی له‌ ئه‌فغانستان ده‌كشێنێته‌وه‌، سه‌رۆكی ئه‌مریكا، جۆ بادین و سه‌ركۆماری توركیا، ره‌جه‌ب ته‌یب ئه‌ردۆغان له‌ په‌راوێزی لووتكه‌ی ناتۆدا كۆبوونه‌وه‌ و بابه‌تی ئاسایشی فڕۆكه‌خانه‌ی كابوڵ یه‌كێك بوو له‌ ته‌وه‌ره‌كانی كۆبوونه‌وه‌كه‌.

 

AA





ئەم هەواڵە 589جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad