English | عربی | Kurdî دواهەواڵ
ڕاستەوخۆ  
 
ئەمەریکا مه‌به‌ستی هێرشه‌كانی خۆی بۆ سه‌ر عێراق و سوریا بە ئەنجومەنی ئاسایش راگه‌یاند
2021-06-30 [01:18 AM]

ZNA - هه‌ولێر


 

ئەمەریکا بە ئەنجومەنی ئاسایشی نێودەوڵەتی ڕاگەیاند هێرشە ئاسمانییەکانی وڵاتەکە لە عێراق و سوریا به‌ ئامانجی ڕێگریکردن لە گروپە چەکدارەکان و تاران بووە تاوەکو هێرشی دیکە یاخود پشتیوانی زیاتر لە ‌هێرشەکانی سەر هێز و دامەزراوەکانی ئەمەریکا نەکەن.

بەپێی بەندی 51 ی نەتەوە یەکگرتووەکان، هەر وڵاتێک هەر جوڵەیەک بکات بۆ بەرگریکردن لە خۆی دژی هەر هێرشێکی چەکداریی، دەبێت بەزووترین کات ئەنجومەنی ئاسایشی نێودەوڵەتی ئاگادار بکاتەوە.

باڵیۆزی ئەمەریکا لە نەتەوە یەکگرتووەکان لیندا تۆماس گرینفیڵد وتی، هێرشە ئاسمانییەکان کۆمەڵێک شوێنیان کردۆتە ئامانج کە گروپە چەکدارییەکان بەکاریدەهێنن و بەرپرسن لە هێرشەکانی سەر هێز و دامەزراوەکانی ئەمەریکا لە عێراق.

لە نامەیەکی نوسراودا گرینفیڵد وتی " ئەم ڕێوشوێنە سەربازییە کاتێک گیراوەتەبەر کە دەرکەوتووە بژاردە نا سەربازییەکان گونجاو نەبوون بۆ بەرپەرچدانەوەی هەڕەشەکان، ئامانجیش لێی کەمکردنەوەی هەڕەشەکان و چارەسەرێک بووە بۆ ئەوەی دووبارە هێرشی دیکە ڕوونەداتەوە."

سەرۆکی ئەمەریکا جۆو بایدنیش نامەیەکی نوسراوی هاوشێوەی ڕەوانەی کۆنگرێسی ئەمەریکا کرد و تیایدا دەڵێت " ئەمەریکا ئامادەیە بۆ هەر جوڵەیەکی دیکە، لە کاتی پێویست و بەشێوەیەکی گونجاو، ئەوەش بۆ ڕووبەڕووبوونەوەی هەر هەڕەشەیەک یاخود هێرشێکی دیکە."

 

voa





ئەم هەواڵە 793جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad