English | عربی | Kurdî دواهەواڵ
ڕاستەوخۆ  
 
فه‌ره‌نسا بۆ گواستنه‌وه‌ی هاوڵاتیانی خۆی له‌ ئه‌فغانستان گه‌شتێكی خۆڕایی رێكده‌خات
2021-07-14 [10:48 AM]

ZNA - هه‌ولێر


 

باڵیۆزخانەی فه‌ره‌نسا لە کابوڵ وتی فه‌ره‌نسا داوا لە سەرجەم هاوڵاتیەکانی دەکات ئەفغانستان جێبهێڵن، ئەوەش بەهۆی ترسی ئەمنییەوە، لەکاتێکدا کشانەوەی هێزە بیانیەکان لەو وڵاتەدا لە قۆناغی کۆتاییدایە و تاڵیبانیش بەردەوامە لە پێشڕەوییەکانی.

باڵیۆزخانەکە لە بەیاننامەیەکدا وتی " حکومەت لە بەیانیی 17 ی مانگی حەوتدا گەشتێکی تایبەت ڕێکدەخات تاوەکو سەرجەم هاوڵاتیانی لە ئەفغانستان بتوانن بگەڕێنەوە بۆ فه‌ره‌نسا."

ئەوەشی خستەڕوو گەشتەکە بەخۆڕایی دەبێت.

وتیشی " باڵیۆزخانەی فه‌ره‌نسا بە فەڕمی پێشنیاری ئەوە دەکات بۆ هاوڵاتیە فەڕەنسییەکان ئەم گەشتە تایبەتە پەسەند بکەن یاخود بە هەر شێوازێکی دیکەی خۆیان بەزووترین کات وڵاتەکە جێبهێڵن."

جێی ئاماژەیە پێشتر کۆمەڵێک وڵات داوایان لە هاوڵاتیانیان کردووە ئەفغانستان جێبهێڵن یاخود هێناویاننەتە دەرەوە، لەوانەش هیندستان و چین.

باڵیۆزخانەکە وتیشی لە بارودۆخێکدا نابێت گرەنتی پارێزراوی هاتنە دەرەوەی ئەو هاوڵاتیانە بدات کە دەیانەوێت لە دوای 17 ی مانگی حەوتەوە ئەفغانستان جێبهێڵن.

لە سەرەتای مانگی پێنجەوە و لە دەستپێکی کشانەوەی هێزە بیانییەکاندا لە ئەفغانستان، چەکدارانی تاڵیبان هێرشەکانیان بۆ کۆنتڕۆڵکردنەوەی ناوچەکانی وڵاتەکە دەستپێکرد. تاوەکو ئێستا زۆرینەی باکووری وڵاتەکەیان کۆنتڕۆڵکردۆتەوە.

 





ئەم هەواڵە 310جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad