English | عربی | Kurdî دواهەواڵ
ڕاستەوخۆ  
 
ئەڵمانیا و بەریتانیا یەكەم كۆبوونەوەیان لەگەل تالیبان ئەنجامدا
2021-09-04 [09:28 AM]

ZNA- هەولێر


نوێنه‌رانی وڵاتانی به‌ریتانیا و ئه‌ڵمانیا له‌ ده‌وحه‌ی پایته‌ختی قه‌ته‌ڕ له‌گه‌ڵ شاندێكی باڵای تاڵیبان كۆبوونه‌ته‌وه‌ و گفتوگۆیان له‌ باره‌ی ره‌وشی ئه‌فغانستان كردووه‌.

محه‌مه‌د سوهه‌یل شاهین، گوته‌بێژی تاڵیبان رایگه‌یاند، شێر محه‌مه‌د عه‌باس ستانكیزی، جێگری سه‌رۆكی مه‌كته‌بی سیاسی تاڵیبان كه‌ ئێستا له‌ قه‌ته‌ره‌، له‌گه‌ڵ ماركوس پۆتزل باڵیۆزی ئه‌ڵمانیا له‌ ئه‌فغانستان كۆبووه‌ته‌وه‌ و گفتوگۆیان له‌ باره‌ی ره‌وشی كابول و وڵاته‌كه‌ كردووه‌ به‌ گشتی.

گوته‌بێژه‌كه‌ی تاڵیبان له‌ زنجیره‌ توێتێكدا به‌ گشتی باسی ناوه‌ڕۆكی كۆبوونه‌وه‌كه‌ی كردووه‌ و تێیدا باس له‌ هاوكارییه‌ مرۆییه‌كان كراوه‌ و ئه‌ڵمانیا دووپاتی له‌ به‌رده‌وامی گه‌یاندنی ئه‌و هاوكارییانه‌ كردووه‌.

هاوكات گوته‌بێژه‌كه‌ی تاڵیبان له‌ تویته‌ری خۆی بڵاویكردووه‌ته‌وه‌، جێگری سه‌رۆكی مه‌كته‌بی سیاسی تاڵیبان هه‌ر له‌ قه‌ته‌ر له‌گه‌ڵ نێرده‌ی تایبه‌تی سه‌رۆك وه‌زیرانی به‌رتیانیاش كۆبووه‌ته‌وه‌ و گفتوگۆیان له‌سه‌ر چه‌ند پرسێك كردووه‌، له‌ سه‌رووی هه‌مووشیان داهاتووی په‌یوه‌ندییه‌كان و شێوازی كاركردنی حوكمی تاڵیبان ده‌بێت.

به‌هۆی ره‌وشی نا سه‌قامگیری كابول، شاندی وڵاتان له‌ ده‌وحه‌ی پایته‌ختی قه‌ته‌ر له‌گه‌ڵ شاندی تاڵیبان كۆده‌بنه‌وه‌ و گفتوگۆ له‌ باره‌ی داهاتووی ئه‌و وڵاته‌ ده‌كه‌ن.

 





ئەم هەواڵە 346جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad