English | عربی | Kurdî دواهەواڵ
ڕاستەوخۆ  
 
فەرماندەیەكی تاڵیبان: داعش لەئەفغانستان شوێنی نابێتەوە
2021-09-07 [08:46 AM]

​ZNA – هەولێر


بزووتنەوەی تاڵیبان هەڕەشە لە داعشی خۆراسان دەکات و دەڵێت، راویان دەنێن و لانەیەکی سەلامەتیان بۆ ناهێڵینەوە خۆیانی تێیدا بشارنەوە.

مولا نەدا محەممەد کە پێشتر فەرماندەیەکی دیاری بزووتنەوەی تاڵیبان بوو، ئێستا پارێزگاری ویلایەتی نەنگەرهارە، دەڵێت، داعش لە ئەفغانستان "شوێنی نابێتەوە."

ئەو پارێزگارە دەڵێت: داعش هەڕەشەیەکی گەورە نین بۆ سەر ئاسایشی ئەوان، بەڵام وەکو خۆی باسی دەکات، "بە هاتنی تاڵیبان داعش هیچ پاساوێکی نامێنێت تاوەکو لە ئەفغانستان بمێنێتەوە."

پارێزگاری نەنگەرهار دەڵێت، تاوەکو ئێستا 70 بۆ 80 چەکداری داعشی خۆراسانیان دەستگیرکردوون، هاوکات حکومەتی پێشووی ئەفغانستان تۆمەتباردەکات بە رێخۆشکردن بۆ بڵاوبوونەوەی چەکدارانی داعشی خۆراسان لە رۆژهەڵاتی ئەفغانستان بۆ ئەوەی شەڕی تاڵیبان بکەن.

مولا نەدا دەڵێت، "ئێمە لەناومان دەبردن کەچی حکومەتی ئەفغانستان دەیگواستنەوە بۆ بەرەکانی شەڕ بۆ شەڕی دژی ئێمە."

 





ئەم هەواڵە 667جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad