English | عربی | Kurdî دواهەواڵ
ڕاستەوخۆ  
 
کۆریای باکوور: رێككه‌وتنه‌ سێقۆڵییه‌كه‌ ده‌بێته‌ هۆی دروستبوونی کێبڕکێی چەکی ناوەکی
2021-09-20 [12:26 PM]

ZNA - هه‌ولێر


 

دوای رێككه‌وتنه‌كه‌ی نێوان ئه‌مه‌ریكا و به‌ریتانیا و ئوسترالیا، وەزارەتی دەرەوەی کۆریای باکوور وتی، ڕێکەوتنە نوێیەکەی ئەمەریکا لەگەڵ ئوسترالیا بۆ دابینکردنی ژێردەریایی پێدەچێت لە ناوچەکەدا ببێتە هۆی دروستبوونی کێبڕکێی خۆپڕچەککردن بە چەکی ناوەکی.

هەفتەی ڕابردوو ئەمەریکا ڕێکەوتنێکی ئاسایشی سێ قۆڵی نوێی لەنێوان ئەمەریکا و بەڕیتانیا و ئوسترالیادا ڕاگەیاند، ئەوەش وەکو بەشێک لە هاوبەشیە ستراتیژییەکەی نێوانیان و تیایدا ئەمەریکا ژێردەریایی وزەی ناوەکی بۆ ئوسترالیا دابین دەکات.

دەزگای هەواڵی ناوەندی کۆریای باکوور لە زاری بەرپرسێکی وەزارەتی دەرەوەی وڵاتەکەوە بڵاویکردەوە " ئەمانە ڕەفتاری نەخوازراو و مەترسیدارن کە دەبنە هۆی تێکدانی هاوسەنگی لە ناوچەی ئاسیا و دەریای هێمندا و کێبڕکێی خۆپڕچەککردنی لێدەکەوێتەوە بە چەکی ناوەکی."

ڕۆژی چوارشەممە کۆریای باکوور دوو موشەکی هەڵدایە دەریاوە، دواتر بە چەند کاتژمێرێک کۆریای باشووریش لەڕێی ژێردەریاییەکەوە بە سەرکەوتوویی موشەکێکی باڵیستیکی تاقیکردەوە.

بەرپرسەکەی کۆریای باکوور وتی " زۆر سروشتیە وڵاتانی دراوسێ بە چینیشەوە ئیدانەی ئەم ڕەفتارانە بکەن و وەکو ڕەفتارێکی نابەرپرسیارانە لێی بڕوانن کە دەبێتە هۆی لەناوبردنی ئاشتی و سەقامگیری لە ناوچەکەدا."





ئەم هەواڵە 391جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad