English | عربی | Kurdî دواهەواڵ
ڕاستەوخۆ  
 
کۆریای باکوور دانی به‌تاقیكردنه‌وه‌ی موشەکێکی خێراتر لە خێرایی دەنگ نا
2021-09-29 [12:24 PM]

ZNA - هه‌ولێر


 

دوای ئه‌وه‌ی دوێنێ كۆریای باشور وتی، كۆریای باكور موشه‌كێكی به‌ره‌و ده‌ریا هه‌ڵداوه‌، دەزگای هەواڵی ناوەندی کۆریای باکوور ئاشكرای كرد لەم هەفتەیەدا وڵاته‌كه‌ی موشەکێکی تاقیکردۆتەوە کە لە خێرایی دەنگ خێراترە.

دوێنێ سێشەممە کۆریای باشوور ڕایگەیاند کۆریای باکوور موشەکێکی لە کەناراوەکانی ڕۆژهەڵاتەوە بەرەو دەریا هەڵداوە.

سەرکردەی سوپای کۆریای باشوور وتی ئەو جۆرە موشەکەی باکوور هێشتا لە قۆناغی سەرەتادایە و پێویستی " بە کاتێکی زۆر دەبێت تاوەکو لە شەڕدا بەکاربهێندرێت."

دەزگای هەواڵی ناوەندی کۆریای باکوور وتی پەرەپێدانی سیستمی چەکەکان توانای بەرگری کۆریای باکوور زیاد دەکات، وتیشی ئەو جۆرە موشەکە " چەکێکی ستراتیژییە."

دەزگاکە وتی " لە یەکەمین تاقیکردنەوەدا، زانایانی بەرگری نیشتیمانی کۆنتڕۆڵکردنی ئاڕاستە و جێگیری موشەکەکەیان پشتڕاستکردۆتەوە."

بەپێچەوانەی موشەکی باڵیستیکیەوە کە سەرەتا بەرەو ئاسمان دەڕوات و دواتر بە ڕێڕەوێکی لێژ دێتەوە خوارەوە، موشەکی هایپەر سۆنیک ( خێراتر لە خێرایی دەنگ ) بە بەرزاییەکی نزمتر بەرەو ئامانجەکە دەڕۆن و پێنج هێندە خێراترن لە خێرایی دەنگ، یاخود 6,200 کیلۆمەتر لە کاتژمێرێکدا.

کۆریای باکوور بەردەوامە لە پەرەپێدانی سیستمی چەکەکانی، ئەمەش لەنێوەندی چەق بەستوویی دانوستانەکاندایە سەبارەت بە داماڵینی چەکی ناوەکی لە نیمچە دورگەی کۆریادا، لەبەرامبەریشدا کەمکردنەوەی سزاکانی سەر کۆریای باکوور.

 

voa





ئەم هەواڵە 343جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad