English | عربی | Kurdî دواهەواڵ
ڕاستەوخۆ  
 
ئەردۆغان: ئه‌گه‌ر ئه‌مه‌ریكا پاتریۆتیان به‌ توركیا بفرۆشتایه‌ ئه‌وا ئێس400مان نه‌ده‌كڕی
2021-09-30 [12:10 PM]

ZNA - هه‌ولێر


 

رۆژنامەی نیویۆرک تایمز، دیدارێكی لەگەڵ سەرکۆماری تورکیا بڵاوکردەوە کە له‌م دیداره‌دا رەجەب تەیب ئەردۆغان ئەو رەخنانەی رەت کردەوە کە باس لەوە دەکەن کڕینی ئێس-٤٠٠کان لە لایەن تورکیاوە لە رووسیا زیانی بە هاوپەیمانی ناتۆ گەیاندووە و، رایگەیاند: ''ئەگەر ئەمریکییەکان سیسیتمی بەرگریی مووشەکی پاتریۆتیان بە تورکیا بفرۆشتایە، ئەوا ناچار نەدەبووین ئێس-٤٠٠کان بکڕین''.

بە گوێرەی هەواڵەکە، سەرکۆماری تورکیا ئەردۆغان لە لێدوانەکەیدا بۆ رۆژنامەی نیویۆرک تایمز ئەوەی وەبیرهێناوەتەوە کە هەم سکرتێری گشتیی ناتۆ، یانس ستۆڵتنبێرگ و هەمیش سەرۆکی ئەو کاتەی ئەمریکا، دۆناڵد ترەمپ جەختیان لەسەر مافی تورکیا کردووەتەوە بۆ کڕینی چەک.

گوتیشی : ''ئەگەر ئەمریکییەکان سیستەمی بەرگریی مووشەکی پاتریۆتیان بە تورکیا بفرۆشتایە، ئەوا ناچار نەدەبووین ئێس-٤٠٠کان بکڕین''.

لە وەڵامی پرسیارێکدا سەبارەت بەوەی کە ئایا کڕینی ئێس-٤٠٠کان لە لایەن تورکیاوە شایەنی ئەوە ناکۆکییە بوو لەگەڵ ئەمریکا یان نا، ئەردۆغان رایگەیاند: ''بە رای من شایەنی بوو. دەتوانین بە ویستی خۆمان بەرگرییمان بەهێز بکەین''.

هەروەها ئەردۆغان ئاماژەی بەوە کردووە کە پەیوەندییەکانی تورکیا-ئەمریکا لە رووی بنەماوە پارێزراوە و، رایگەیاندووە: ''تورکیا پەیوەندی لەمێژینەی لەگەڵ ئەمریکا هەیە و پێویستە بپارێزرێت و بەهێز بکرێت''.

 

AA





ئەم هەواڵە 238جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad