English | عربی | Kurdî دواهەواڵ
ڕاستەوخۆ  
 
گانەرز بۆ درێژەدان بە ئەنجامە باشەکانی یارییەکی لەندەنی دەکات
2021-10-18 [09:53 AM]

ZNA - ھەولێر


بە ئامانجی درێژەدان بە ئەنجامە باشەکانی و تۆمارکردنی بردنەوەیەکی دیکە، یانەی ئارسیناڵ میوانداری یانەی کریستال پاڵاس دەکات.

 

لە دوایین یاریی گەڕی هەشتەمی پرێمەرلیگدا، کاژێر 22:00 یانەی ئارسیناڵ لە یاریگەی ئیماراتس بەرامبەر یانەی کریستال پاڵاس یارییدەکات، کە ئەمە یارییەکی لەندەنییە و ئەستێرەیەکی پێشووی یانەی ئارسیناڵ سەرکردایەتی یانەی میوان دەکات کە پاتریک ڤیێرایە.

 

ئارسیناڵ بەر لەم یارییە 10 خاڵی هەیە و لە پلەی سێزدەیەمی ریزبەندی خولەکەیە، کریستال پاڵاس بەجیاوازیی گۆڵ لەگەڵ یانەکە لە پلەی چواردەیەمە.

 

گانەرز لەژێر سەرپەرشتی میکێل ئارتێتا لە چوار یاریی رابردوودا لە پرێمەرلیگدا نەدۆڕاوە، سێ بردنەوە و یەکسانبوونێکی هەبووە، بەرامبەر یانەی کریستال پاڵاسیش لە 2019ـەوە هیچ یارییەکی نەدۆڕاندووە.

 

میکێل ئارتێتا بەهۆی ئەو ئاست و ئەنجامانەی ئارسیناڵ لە مانگی رابردوودا بەدەستهێنان وەک باشترین راهێنەری مانگ لە پرێمەرلیگدا دیارییکرا، ئەمشەو یانەکە چاوی لەوەیە هەنگاوی باشتر بچێتە پێشەوە، بەڵام ئەرکیان ئاسان نابێت، بەتایبەت کە ڤیێرا دەڵێت " هیچ بوارێک بۆ سوز نییە کاتێک رووبەڕووی ئارسیناڵ دەبێتەوە."

 

هەردوو یانەی ئارسیناڵ و کریستال پاڵاس لە مێژوودا 49 یارییان بەرامبەر یەکدی ئەنجامداوە، ئارسیناڵ 29 جار سەرکەوتنی بەدەستهێناوە و 5 یاری لە بەرژەوەندی یانەی کریستال پاڵاس کۆتاییهاتووە، 15 یاریی نێوان هەردوو یانەش بەیەکسانبوون کۆتاییهاتووە.

 

رووداو





ئەم هەواڵە 784جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad