English | عربی | Kurdî دواهەواڵ
ڕاستەوخۆ  
 
بۆ پێدانى دکتۆراى فەخرى بە ئیسماعیل بێشکچى، زانکۆى دهۆک ڕاسپێردرا ئامادەکارى بکات
2021-11-08 [01:35 AM]

ZNA - هه‌ولێر


له‌ ڕأگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، وەزیری خوێندنی باڵاو توێژینەوەی زانستی ڕێزو پێزانین ئاراستەى کۆمەڵناس و نوسەری ناسراوى تورک ئیسماعیل بێشکچی دەکات، کە مـاوەی زیـاتـر لـە نیو سـەدەیـە لەڕێگـای نوسیـن و بەرهـەمە زانستیەکانى ژیـانی خۆى تەرخان کردوە بۆ داکۆکیکردن لە ڕاستی و پشتیوانیکردنی دۆزی ڕەوای گەلی کورد، هەروەها زانکۆى دهۆکیشى ڕادەسپێرێت ئامادەکارى بکات بۆ پێدانى دکتۆراى فەخرى بە (ئیسماعیل بێشکچى).

ئەمڕۆ یەکشەمە ڕێکەوتى (2021/11/7) د. ئارام محمد قادر وەزیرى خوێندنى باڵا و توێژینەوەى زانستى بە ئامادەبونى بریکارى وەزارەت و سەرۆکى زانکۆى دهۆک و ڕاوێژکارو بەڕێوەبەرانى گشتى، پێشوازی لە کۆمەڵناس و نوسەری ناسراوى تورک ئیسماعیل بێشکچی و وەفدی یاوەری کرد.

لە دیدارێکدا وەزیرى خوێندنى باڵا و توێژینەوەى زانستى، خەبات و تێکۆشانی ئیسماعیل بێشکچی لە داکۆکیکردن لە گەلی کوردستان و دۆزی ڕەوای کورد بەرز نرخاند، بۆ ئەمەش ئاماژەی بە هەڵوێست و نوسین و بەرهەمەکانی بێشکچی کرد، کە لە ڕێگەی توێژینەوەکانى بە شێوازێکی زانستی و ئەکادیمی، بەرگری لە مافەکانی گەلی کوردستان کردوە. بۆ ئەمەش وتى: هەمو وشەیەکی نێو کار و بەرهەمە زانستییەکـان و قوربانییە مەزنەکانى بێشکچى  بەرز دەنرخێنین، بە چـاوی ئەمەک و پێزانینەوە لێیان دەڕوانین، هیوای تەمەنی درێژ و تەندروستی باشى بۆ دەخوازین.

هەر لە دیدارەکەداو لە پێناو بەرزنرخاندنى هەوڵ و ماندوبون و شەونخونیەکانى بۆ داکۆکی کردن لە دۆزى ڕەواى گەلى کوردستان، د. ئارام محمد قادر، سەرۆکى زانکۆى دهۆکى ڕاسپارد ئامادەکارى پێویست ئەنجام بدەن، بۆ پێدانى دکتۆراى فەخرى بە کۆمەڵناس و نوسەرى ناودار ئیسماعیل بێشکچى.

وەزیرى خوێندنى باڵا و توێژینەوەى زانستى ڕاشیگەیاند: سێنتەرى بێشکچى لە زانکۆى دهۆک بۆ لێکۆڵینەوەى مرۆڤایەتى لە ڕێگەی توێژینەوە و بابەتە زانستی و ئەکادیمییەکانى کارى بۆ پێشخستنى ئاستى زانکۆ و بیرو بۆچون و گەیاندنى پەیامە ڕاستەقینەکان کردوە. بۆیە پەرەپێدانى سێنتەرى بێشکچى و کارکردن لەسەر هەڵوێستە نیشتیمانیەکانى لەپێناو دۆزى کورد ئەرکى سەرەکیمانە.

لەلایەن خۆشیەوە ئیسماعیل بێشکچی، سوپاسی وەزیرى خوێندنى باڵا و پشتیوانیەکان کردو جەختی لە گرنگیی کارکردن لە سەر سێکتەرى خوێندنى باڵا و بایەخدان بە پرسە زانستییەکان و  چارەسەرکردنی پرسی کورد بەشێوازێکی ئاشتییانە و دادپەروەرانە کردەوە.





ئەم هەواڵە 541جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad