English | عربی | Kurdî دواهەواڵ
ڕاستەوخۆ  
 
بەشداریی "پاڵەوان"ی ئەسغەر فەرهادی لە هەشتەمین فێستیڤاڵی نێودەوڵەتی فیلمی "دهۆک"
2021-11-15 [06:45 AM]

ZNA - تاران


فیلمی سینەمایی "پاڵەوان"ی لە دەرهێنانی سینەماکاری ناوداری ئێرانی "ئەسغەر فەرهادی" بەشداریی لە هەشتەمین خولی فێستیڤاڵی نێودەوڵەتی فیلمی "دهۆک" دەکات. 

 

فیلمی سینەمایی "پاڵەوان" (قهرمان) لە دەرهێنانی سینەماکاری بەناوبانگی ئێرانی "ئەسغەر فەرهادی"، هەڵگری دوو خەڵاتی ئۆسکار باشترین فیلمی بیانی، براوەی خەڵاتی "ورچی زێڕین"ی فێستیڤاڵی نێودەوڵەتی فیلمی "بەڕلینالە"ی ئەڵمانیا و خەڵاتی گەورەی فێستیڤاڵی نێودەوڵەتی فیلمی "کان"ی فەڕەنسا، لە بەرهەمهێنانی "ئلێکساندێر مالەگی"، دوای بەشداریی لە فێستیڤاڵە گرینگە جیهانییەکان و بەدەستهێنانی چەندین خەڵاتی گرینگی جیهانی دیکە، لە نوێترین بەشداریی نێودەوڵەتی خۆیدا لە بەشی "ڕوانینێک بە سینەمای جیهان" لە هەشتەمین خولی فێستیڤاڵی نێودەوڵەتی فیلمی "دهۆک" لە هۆڵی "کۆنگرە"ی زانکۆی دهۆک و هەروەها لە ناوەندی سینەمایی "دهۆک مۆڵ" لە شاری دهۆک لە هەرێمی کوردستان نمایش دەکرێت. 

 

فێستیڤاڵی نێودەوڵەتی فیلمی "دهۆک" ئەندامی باوەڕپێکراوی ڕێوڕەسمی پێشکەشکردنی خەڵاتەکانی ئسکرین "ئاسیا پەسیفیک" ناسراو بە "ئۆسکاری ئاسیا" APSA لە وڵاتی ئۆستوڕاڵیایە و لە ئاستی وڵاتی عێراقدا بەرهەمە سینەمایی و بەڵگەفیلمەکان بەم ڕووداوە گرینگە سینەماییە دەناسێنێت.

 

لە لایەن ئەندامانی لێژنەی دادوەرانی بەشی پێشبڕکێی "سینەمای جیهان"ی ئەم فێستیڤاڵەوە تەندیس، لەوحەی فەخری و خەڵاتی 10 هەزار دولاری "یەڵماز گۆنای" بە باشترین فیلمی سینەمایی، خەڵاتی 5 هەزار دولاری بۆ باشترین دەرهێنانی فیلمی سینەمایی، خەڵاتی 5 هەزار دولاری بۆ باشترین کورتە فیلمی نێودەوڵەتی، خەڵاتی 5 هەزار دولاری بۆ باشترین بەهرەمەندی نوێ، خەڵاتی 1500 دولاری تایبەتی ئەندامای لێژنەی دادوەران بۆ باشترین کورتە فیلم و خەڵاتی 5 هەزار دولاری ئەنستیتۆ "گۆتە"ی ئەڵمانی بۆ باشترین بەڵگەفیلمی نێودەوڵەتی پێشکەش دەکرێت.  

 

فێستیڤاڵی نێودەوڵەتی فیلمی "دهۆک" بە سەرۆکایەتی "ئەمیر عەلی محەمەد تاهیر" و بە دەرهێنانی هونەری "شەوکەت ئەمین کورکی" بە یادی سینەماکاری هەرمانی کورد "یەڵماز گۆنای" دەرهێنەری براوەی خەڵاتی گەورەی "چڵە خورمای" فێستیڤاڵی نێودەوڵەتی فیلمی "کان"ی فەڕەنسا (1982) و بە مەبەستی پردی پەیوەندی نێوان دەرهێنەرە کوردەکان و سینەماکارانی سەرتاسەری جیهان و هەروەها ڕەخساندنی ئاڵووگۆڕی کەلتووری نێوان نەتەوەکانی دنیا دامەزراوە.

 

هەشتەمین خولی ئەم فێستیڤاڵە، ڕۆژی 15ی نۆڤەمبەری 2021 بە بەڕێوەچوونی ڕێوڕەسمی فەڕشی سوور و بە نمایشی فیلمی سینەمایی "ئەزموون" The Exam چوارەمین فیلمی بڵندی سینەماکاری کورد "شەوکەت ئەمین کورکی"، لە هۆڵی "کۆنگرە" لە زانکۆی دهۆک بە فەرمی دەستی پێکرد و بە نمایشی 93 بەرهەمی دیکە، لە چوارچێوەی فیلمە بڵیندە سینەماییەکان، کورتە فیلم و بەڵگەفیلمەکان لە چەندین بەشی پێشبڕکێی و دەرەوەی پێشبڕکێی لەوانە: بەشی پێشبڕکێی "سینەمای جیهان"، واتە: 9 فیلمی بڵندی سینەمایی، 5 بەڵگەفیلم و 9 کورتە فیلم، بەشی پێشبڕکێی "سینەمای کوردی"، واتە: 6 فیلمی بڵندی سینەمایی، 6 بەڵگەفیلم و 12 کورتە فیلم، بەشی "ڕوانینێک بە سینەمای جیهان"، واتە: 8 فیلمی بڵندی سینەمایی، 4 بەڵگەفیلم و 7 کورتە فیلم، بەشی "پانۆڕامای سینەمای کوردی"، واتە: 17 کورتە فیلم، بەشی "نمایشی تایبەت بە سینەمای ئەفغانستان" 8 فیلمی بڵندی سینەمایی و هەروەها بەشی "نمایشی تایبەت بە سینەمای کوردستان" 2 فیلمی بڵندی سینەمایی ڕۆژی 22ی نۆڤەمبەری 2021 بە پێشکەش کردنی خەڵاتەکان بە سینەماکارانی براوە کۆتایی پێدێت.

 

مەنسوور جیهانی

 





ئەم هەواڵە 772جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad