English | عربی | Kurdî دواهەواڵ
ڕاستەوخۆ  
 
وەزارەتی دارایی عێراق لەبارەی نرخی دۆلار بڕیاریدا
2021-11-24 [08:01 AM]

ZNA_ هەولێر


وەزارەتی دارایی حكومەتی عێراق رونكردنەوەیەك لەبارەی دابەزاندنی بەهای دۆلار بەرامبەر دیناری عێراقی بڵاودەكاتەوە  و جەختیشدەكاتەوە هەر كاتێك ئەو هەنگاوە جێبەجێبكرێت, بە دابەزینی نرخی نەوت ئابوری عێراق دەكەوێتە بەردەم هەڕەشە و مەترسیی گەورەوە كە  دواجار گەلی عێراق دوچاری قەیرانی دارایی قوڵدەبێتەوە.

 

بەگوێرەی رونكردنەوەی وەزارەتی دارایی عێراق كە تێیدا  هاتوە ماوەی چەند رۆژی رابردو چەندین لێدوان لەبارەی دابەزاندنی بەهای دۆلار بەرامبەر دینار لەلایەن چەندین سەركردەی سیاسی و بەرپرسەوە دراوە كەگوایە بۆ ساڵی داهاتوبەهای دۆلار دادەبەزێندرێت. 

 

ئاماژەبەوەكراوە بەرزكردنەوەی بەهای دینار و دابەزینی بەهای دۆلار لەم كاتەدا گونجاونابێت چونكە هەر كاتێك نرخی نەوت لە بازارەكانی جیهان دابەزین بەخۆوە ببینێت ئەوا زیانی گەورە بەر ئابوری عێراق دەكەوێت و مەترسی دروستدەكات كە عێراق دوچاری قەیرانی دارایی قوڵبێتەوە. 

 

ئەوەشخراوەتەرو پێشتر چەند جارێك ئەو بابەتە رونكراوەتەوە كەبەهای دینار بەرامبەر دۆلار بەرزناكرێـتەوە ونرخەكەی وەكو ئێستا  دەمێنێتەوە.

 

جێی ئاماژە بۆكردنە بەر لە پەسەندكردنی یاسای بودجەی 2021,حكومەتی عێراق بەهای دۆلاری بەرامبەر دیناری عێراقی بەرزكردوە و پێشتر بەهای 100 دۆلار 118هەزار دیناربوە  لە بانكی ناوەندی و ئێستا بەهاكەی گەیشتۆتە 145 هەزار دینار.  





ئەم هەواڵە 9841جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad