English | عربی | Kurdî دواهەواڵ
ڕاستەوخۆ  
 
ئەردۆغان: بڕیارەکانی ئەورووپا لەبارەی کاڤالا و دەمیرتاش گرنگ نین وەک نەبوو سەیریان دەکەین
2021-12-09 [11:17 AM]

ZNA - هه‌ولێر


 

سەرکۆماری تورکیا، رەجەب تەیب ئەردۆغان دوای سەردانەکەی بۆ قەتەر بۆ رۆژنامەنووسان دوا و باسی لە بابەتەکانی رۆژەڤ کرد، ئاماژەی بەوە کرد کە لەو باوەڕەدایە ئەو هێرشانەی لەسەر دراو دەکرێن پێچەوانە بکەنەوە و وتیشی، هەڵوێست و داواکاری یەکێتیی ئەورووپا لەبارەی عوسمان کاڤالا و سەڵاحەددین دەمیرتاش بۆمان گرنگ نین و وەک نەبوو سەیریان دەکەین.

سەرکۆماری تورکیا، رەجەب تەیب ئەردۆغان لە وەڵامی پرسیارێکدا سەبارەت بە بۆچوونیان لەبارەی یاریکردن بە دراو و هەڵمەتی دەستەی چاودێریی دەوڵەت لەو بارەیەوە گوتی: ''فەرمانمان بە دەستەی چاودێریی دەوڵەت کردووە. دەستەکە لێکۆڵینەوە دەکات لەبارەی ئەوەی کێن ئەوانەی لە پشت ئەو کارەوەن. هەلی بینینی ئەوانەمان دەبێت کە لێرە ئەو کارە دەکەن''.

گوتیشی: ''دوایین ژمارەی یەدەگ ١٢٤ ملیار دۆلارە. ئەم بڕە یەدەگە نیشانەی ئەوەیە کە هیچ ترسێک لە ئارادا نییە. لەبەرئەوە کێشەی یەدەگمان نییە".

سەرکۆماری تورکیا، رەجەب تەیب ئەردۆغان لە وەڵامی پرسیارێکدا سەبارەت بە هەڵوێست و داواکاری یەکێتیی ئەورووپا لەبارەی عوسمان کاڤالا و سەڵاحەددین دەمیرتاش رایگەیاند "بڕیارەکانی یەکێتیی ئەورووپا لەبارەی کاڤالا و دەمیرتاش، بۆمان گرنگ نین و وەک نەبوو سەیریان دەکەین. بەو ئاسانییە".

رەجەب تەیب ئەردۆغان هەروەها سەبارەت بە گرژی رووسیا-ئۆکراینا گوتی: ''بە رەزامەندی هەردوولا دەتوانین ئاسانکاریی، نێوەندگیریی یان هەر شێوازە پشتیوانییەکی خوازراو پێشکەش بکەین''.

 

AA





ئەم هەواڵە 538جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad