English | عربی | Kurdî دواهەواڵ
ڕاستەوخۆ  
 
ڕاگەیەندراوێک لە وەزارەتی پەروەردەی حکومەتی هەرێمی کوردستان
2022-01-06 [05:36 AM]

ZNA- هەولێر


 

ڕۆژی دووشەممە (١٠ی١ی ٢٠٢٢) دەستپێکی تاقیکردنەوەکانی وەرزی یەکەمی خوێندنی ساڵی (٢٠٢١ -٢٠٢٢) ئەنجامدەدرێت، بەو بۆنەیەوە وێڕای سوپاسکردنی تەواوی مامۆستایان و فەرمانبەرانی کەرتی پەروەردە کەوەرزی یەکەمی خوێندنیان بە سەرکەوتوانە کۆتایی پێ هێنا، ئێمە لە وەزارەتی پەروەردە  سەرجەم ناوەندەکانی خوێندن  بە (حکومی و ناحکومی) ئاگادار دەکەینەوە کە بە مەبەستی پاراستنی سەلامەتی گیانی مامۆستایان و قوتابیان و خوێندکاران، بەستنی ماسک بۆ ستافی کارگێریی و مامۆستایان و  قوتابیان و خوێندکاران  لەکاتی تاقیکردنەوەکان و دەستپێکردنەوەی وەرزی دووەمی خوێندن ئیلزامییە  و لەگەڵ تۆمارکردنی چەند حاڵەتێک بە ڤایرۆسی (ئۆمیکرۆن) دەبێت رێکارەکانی خۆپارێزیی لەئاستێکی زۆر باشدا جێبەجێبکرێن. بۆیە پێویستە سەرپەرشتیاری هاورێی رەخنەگری قوتابخانە لەکاتی سەردانیکردنی ناوەندەکانی خوێندن لە رۆژانی تاقیکردنەوەکان و دەستپێکردنی وەرزی دووەم بە دواداچوون لەسەر ئەم بابەتە بکەن و ئاستی پابەندبوونی مامۆستایان و قوتابیان و خوێندکاران بدەنە پەروەردەی قەزاکان. بۆ مەبەستی خۆپارێزیی وەزارەتی پەروەردە لە چەند هەفتەی رابردوو زیاتر لە ( ١٧٥٠٠٠٠) یەک ملیۆن و حەوت سەد و پەنجا هەزار ماسک و (٦٧٠٠ ) شەش هەزار و حەوت سەد پاککەرەوە ( معقم ) بەسەر پەروەردەی گشتیی پارێزگاکان وئیدارەسەربەخۆکان دابەشکردووە.

بەهیوای سەلامەتیی و تەندروست ساغیتان.

راگەیاندنی وەزارەتی پەروەردە
         ٦ی ١ی ٢٠٢٢





ئەم هەواڵە 1558جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad