English | عربی | Kurdî دواهەواڵ
ڕاستەوخۆ  
 
وه‌زاره‌تی ته‌ندروستی شه‌پۆلی چواره‌می كۆرۆنای راگه‌یاند
2022-01-12 [11:25 AM]

ZNA:هەولێر


وه‌زاره‌تی ته‌ندروستی ئه‌مڕۆ چوارشه‌ممه‌ (12ی كانوونی دووه‌م/ یه‌نایه‌ری 2022) رایگه‌یاند، شه‌پۆلی چواره‌می كۆرۆنا له‌ هه‌رێمی كوردستان ده‌ستیپێكردووه‌ و ژماره‌ی تووشبووانی كۆرۆنا روو له‌ زیادبوونه‌.

د. سامان بەرزنجی، وەزیری تەندروستی، له‌ راگه‌یه‌ندراوێكدا ئاشكرای كرد، سەرەتای شەپۆلی چوارەم بەهێز و خێرا لە بڵاوبوونەوەی نەخۆشی كۆرۆنا و زنجیرەی گۆڕاوی ئۆمیکڕۆن دەستیپێکردووە.

سامان به‌رزنجی گوتی: "پێویستە رێكارەكانی خۆپارێزی كەسی زیاتر بكرێت، هاووڵاتییان ئاگاداری خۆیان و خانەوادە و منداڵەكانیان بن، گرنگترین رێكار وەرگرتنی ڤاكسینە لەگەڵ دانانی ماسك و دووركەوتنەوەی كۆمەڵایەتی و دوورکەوتنەوە لە شوێنی قەرەباڵغ".

گوتیشی: "لەكاتی بوونی نیشانەكانی نەخۆشیەکە پێویستە سەردانی سەنتەرەكانی پشكنین و سەنتەرەکانی كۆرۆنا بكەن".

به‌ گوێره‌ی ئه‌و ئاماره‌ی وه‌زاره‌تی ته‌ندروستی له‌ چه‌ند رۆژی رابردوو بڵاویكرده‌وه‌ته‌وه‌، ژماره‌تی تووشبووانی كۆرۆنا رۆژ به‌رۆژ زیاتر بووه‌، له‌گه‌ڵ ته‌شه‌نه‌كردنی گۆڕاوی كۆرۆنا له‌ جۆری ئۆمیكرۆن، له‌ زۆربه‌ی وڵاتانی جیهان رێژه‌ی تووشبوون به‌ ڤایرۆسه‌كه‌ زیادی كردووه‌.





ئەم هەواڵە 583جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad