English | عربی | Kurdî دواهەواڵ
ڕاستەوخۆ  
 
زاوایەک بە دەستی خەسووی دەکوژرێت 
2022-01-12 [12:37 PM]

ZNA-ھەولێر


پۆلیسی کەرکووک ئافرەتێکیان دەستگیرکردووە کە تاوانبارە بە کوشتنی زاوایەکی خۆی و دواتریش فڕێدانی تەرمەکەی.
 
موقەدەم عامر نووری، گوتەبێژی پۆلیسی کەرکووک  رایگەیاند، "ئافرەتەکە تەمەنی ٤٠ ساڵە و دانیشتووی ناوچەی دۆڕەی پارێزگای سەلاحەددینە، بە سەردانی ھاتووەتە ماڵی زاواکەی لە گەڕەکی عەسکەری لە شاری کەرکووک و شەو کە زاواکەی خەوتووە کوشتوویەتی و تەرمەکەشی فڕێداوە".
 
گوتەبێژی پۆلیسی کەرکووک ئاماژەی بەوەش کرد، "کێشەی نێوان ئەو خەسوو و زاوایە کۆنە و کۆمەڵایەتی بووە، بۆ سەردەمی ئاوارەیی دەگەڕێتەوە و چەند ساڵێکە خەسووەکەی بیر لە کوشتنی ئەو زاوایەی دەکاتەوە و ئامانجی ئەم سەردانەشی ھەر بۆ ئەوە بووە".
 
ئافرەتەکە ناوی "ر. ح" و لەلایەن پۆلیسی نەھێشتنی تاوانەکانی کەرکووکەوە دەستگیرکراوە، دانی بە تاوانەکەیدا ناوە، کە دوای کوشتنی زاواکەی بە ناوی عەلا حەموود ھەڵساوە بە فڕێدانی تەرمەکەی و ئێستاش پەڕاوی لێکۆڵینەوەی بۆ کراوەتەوە.

 

خەسووەکە دوای دەستگیرکردنی

سەرچاوە / رووداو 





ئەم هەواڵە 1519جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad