English | عربی | Kurdî دواهەواڵ
ڕاستەوخۆ  
 
پێنجەمین وۆرکشۆپى نێودەوڵەتى نانۆتەکنۆلۆجى به‌به‌شداری دوو زانكۆ بەڕێوەچوو
2022-01-19 [10:58 AM]

ZNA - هه‌ولێر


 

له‌ راگه‌یه‌نراوێكی وه‌زاره‌تی خوێندنی باڵا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، بەبەشدارى د. ئەمیر عەبدولرەحمان ڕاوێژکارى وەزارەتى خوێندنى باڵا و توێژینەوەى زانستى، پێنجەمین وۆرکشۆپی نێودەوڵەتی ساڵانەى نانۆتەکنۆڵۆجی بەهاوبەشی لە نێوان زانکۆی سەڵاحەدین و زانکۆی تیشکى نێودەوڵەتى بەڕێوەچو.

لە پانێڵێکدا د. ئەمیر عەبدولرەحمان ئاماژەى بە شێواز و رۆڵى زانکۆكان كرد بۆ ئەنجامدانى توێژینەوەى زانستى لە سەدەى بیست و یەک و دواین پەرەسەندنەکانى ڕەوشى توێژینەوەى زانستى لە ئێستاو ئایندەدا خستەڕو.

هەروەک باسیشى لە گرنگى و بایەخى توێژینەوەى زانستى کرد و ڕایگەیاند: توێژینەوەى زانستى بنەماى پێشکەوتنى کۆمەڵگە و حکومەت و دامەزراوەکانە لەسەرجەم بوار و سێکتەرەکان، هەر بۆیە ئەو وڵاتانەى لەسەر بنەماى دەرئەنجامەکانى توێژینەوەى زانستى کار و پلانى داهاتویان دادەڕێژن پێشکەوتون و بەشێوەیەکى سەرکەوتوانە دەتوانن ڕوبەڕوى گرفتەکان ببنەوە.

لە درێژەى پانێڵەکەیدا د. ئەمیر عەبدولرەحمان وتى: لە زانکۆکانى کوردستان توێژەرى بەتوانامان هەیە، کە ساڵانە لە بوارە جیاوازەکان توێژینەوەى گرنگ ئەنجام دەدەن، بۆیە ئەم پانێڵە وێستگەیەکى گرنگە بۆ سود وەرگرتن لە توێژینەوەى توێژەرەکانمان و بەشداریپێکردنیان لە بونیادنانەوەى هەرێمەکەمان.

لە کۆتاییشدا ئاماژەى بۆ ئەوەکرد: یەکێک لە کارە گرنگەکانى وەزارەتەکەمان بەستنەوەى توێژینەوەى زانکۆکانە بەچارەسەرکردنی گرفت و پێویستیەکانى کۆمەڵگە، تا ڕۆڵی گەورە ببینن لە داڕشتنی سیاسەتی گشتی و گەشەکردنی ئابوری و کۆمەڵایەتی حکومەتەکەمان.

لەبەشێکى دیکەى پێنجەمین وۆرکشۆپی نێودەوڵەتی ساڵانەى نانۆتەکنۆڵۆجی  چەندین بابەت و پرسى پەیوەست بە وۆرکشۆپەکە گفتوگۆیان لەبارەوە کراو لە کۆتایشدا ڕاسپاردەى پێویستیان بۆ دەرکرا.





ئەم هەواڵە 1348جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad