English | عربی | Kurdî دواهەواڵ
ڕاستەوخۆ  
 
کاتی رێوەڕەسمی پرسە لە مزگەوت کەمدەکرێتەوە
2022-01-25 [10:11 AM]

ZNA-هەولێر


ئەنجومەنی باڵای فتوای سەر بە وەزارەتی ئەوقاف و کاروباری ئایینی هەرێمی کوردستان لەبارەی پرسە بڕیاریدا لەمەودوا پرسە بکرێتە یەک رۆژ و تەنها دوای نیوەڕۆیان لە مزگەوت رێوڕەسمی پرسە بەڕێوەدەچێت.

بڕیارەکەی ئەنجومەنی فتوا لەبارەی پرسە لەم 9 خاڵە پێکهاتووە:..

 1. پرسە بۆ ماوەی یەک رۆژ دەبێت، ئەویش لە دوای نیوەڕۆ.

2. دانانی پرسه‌ تەنیا لەو مزگەوتانە ده‌بێت كه‌ هۆڵی بۆنە ئایینییەکانیان هەیە.

3. به‌ هیچ شێوه‌یه‌ك لە کاتی بەڕێوەچوونی پرسە گوتار پێشكه‌ش ناكرێت، جگە لە خوێندنی قورئانی پیرۆز.

4.  نابێت دەنگی بڵندگۆ لەنێو هۆڵی پرسە بەرز بێت و ببێتە مایەی بێزاربوونی پرسەوانان.

5. پاره‌ی قورئانخوێنان دیاریكراوه‌ و له‌ نێوان 50 بۆ 75 هه‌زار دینار ده‌بێت، به‌ ئامێری ده‌نگیشه‌وه‌.

6. رێنماییە تەندروستییەکان و بەستنی ماسک له‌ كاتی دانانی پرسه‌ جێبەجێ بکرێت.

7. ئەو مزگەوتانەی هۆڵی پرسەی ئافرەتانی هه‌یه‌، هەمان قورئانخوێن کە بۆ پیاوان دانراوە دەنگی بۆ هۆڵی پرسەی ئافرەتان دەگوازرێتەوە.

8. ده‌كرێت بەمەبەستی کەمکردنەوەی رووداوی نەخوازراو لەڕێگەی پەیوەندی تەلەفۆنی و تۆڕە کۆمەڵایەتییەکان پرسە ئاراستەی پرسەوانان بکرێت.

9. بەڕێوەبەرایەتیی ئەوقاف و قەزا و تێبینەرایەتییەکان بەرپرسن لە جێبه‌جێكردنی ئه‌م خاڵانە.

پڕۆفیسۆر د. حەسەن موفتی، سەرۆکی ئەنجومەنی باڵای فتوا لە هەرێمی کوردستان لە کۆنفرانسێکی رۆژنامەوانیدا رایگەیاند: "جەخت دەکەینەوە هەموو خاڵەکان وەکخۆی جێبەجێ بکرێن و هاووڵاتییان لەگەڵ دەزگا پەیوەندیدارەکان هەماهەنگ بن".





ئەم هەواڵە 505جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad