English | عربی | Kurdî دواهەواڵ
ڕاستەوخۆ  
 
پزیشکێک: ئەمجۆرە ماسییە دەبێتە هۆی تووشبوون بە شێرپەنجە
2022-01-27 [04:58 AM]

ZNA:هەولێر


پزیشکێک هۆشداری دەدات لە خواردنی جۆرێکی ماسی چەند خواردنێکی دیکە و دەڵێت ئەگەری تووشبوون بە شێرپەنجەی کۆڵۆن زیاد دەکات.

پزیشکی دەرمانساز، حسێن عەبدی بە رۆژنامەی Express راگەیاند، خواردنی ماسی خوێدار ئەگەری تووشبوون بە شێرپەنجەی کۆڵۆن زیاد دەکات.

ماسی خوێدار " Cantonese salted fish" ژەمە خواردنێکی چینیە کە تیایدا ماسیەکە بە خوێ ئامادە دەکرێت یان لەناو خوێدا هەڵدەگیرێت و دواتر ئامادە دەکرێت، ئەم ژەمە دەوڵەمەندە بە ئۆمێگا 3 و رۆنی ماسی و پرۆتینەکان، بەڵام خواردنی بۆ هەموو کەس نابێت، بە تایبەتی منداڵ و ژنی دووگیان.

 ئەو پزیشکە گوتیشی: خواردنە دەریایەکان بە گشتی لە رۆژهەڵاتی ئاسیا بەناوبانگن و زیاتر لەگەڵ برنجدا و جەند خواردنێکی دیکەدا دەخورێن".

بە گوێرەی ئەو پزیشکە، پرۆسەی هەڵگرتنی ماسییەکە لەناو خوێدا بۆ ماوەیەکی دوور و درێژ، دەبێتە هۆی دروستبوونی ماددەی لاوەکی کە ئەگەری تووشبوون بە شێرپەنجە زیاد دەکەن.

حسێن عەبدی ئاماژەی بەوەشدا، تەواوی خواردنە خوێدار و سوێرەکان و برژاوەکان، مەترسی تووشبوون بە شێرپەنجەی کۆڵۆن و گەدە زیاد دەکەن.

لەگەڵ کرانەوەی وڵاتان و کلتورە جیاوازەکان بەیەکدیدا، خواردنە ئاسیایەکان لە هەموو جۆرەکانی دیکەی خواردن زووتر بەنێو وڵاتاندا بڵاوبووەوە و ناوبانگێکی گەورەی پەیدا کردووە، بۆیە ئەم پزیشکە هۆشداری دەدات و دەڵێت تا زیاتر خۆتانی لێبەدوور بگرن سەلامەتترن.





ئەم هەواڵە 721جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad