2022-03-13 [04:32 AM]

رێبەری رەوتی سەدر رایگەیاند، هەولێر لەژێر "نیشانە و ئاگری شکستمەندان و خەجاڵەتمەنداندایە". 

لە تویتێکدا موقتەدا سەدر، رێبەری رەوتی سەدر رایگەیاند، هەولێر لەژێر "نیشانە و ئاگری شکستمەندان و خەجاڵەتمەنداندایە. لەژێر پرۆسەی برسیکردندایە، وەکو ئەوەی کوردەکان عێراقی نەبن، بەڵکو ئەوان شادەماری عێراقن و بەشێکی جیانەبووەن لە عێراق. هەولێر خۆناچەمێنێ و چۆکدانادات، تەنیا بۆ میانڕەوی و سەربەخۆیی و سەروەری نەبێت".

ئەمڕۆ 13-03-2022 بە چەند مووشەکێک هێرشکرایە سەر شاری هەولێر و بەشێک لەمووشەکەکان لە نزیک شوێنی نیشتەجێبوونی خەڵک کەوتنە خوارەوە و زیانی دارایی بەر چەند ماڵ و باڵەخانەیەک کەوت.