|
 |
|
|||
ZNA- هەولێر ئەمڕۆ دووشەممە، كاتژمێر 11 پێش نیوەڕۆ، پەرلەمانی عێراق کۆدەبێتەوە و بەپێی خشتەی کار، خوێندنەوەی دووەم بۆ یەک پڕۆژەیاسا دەکرێت. ئەمڕۆ دووشەممە، پەرلەمانی عێراق کۆبوونەوەی ژمارە پێنجی خۆی لە خولی پێنجەم دەکات و بەپێی خشتەی کار، خوێندنەوەی دووەم بۆ پڕۆژەیاسای پاڵپشتیی فریاگوزاری بۆ ئاسایشی خۆراک و گەشەپێدان دەکات. هەروەها بڕیارە رۆژی چوارشەممەی داهاتوو، پەرلەمانی عێراق جارێکی دیکە کۆببێتەوە و دەنگ لەسەر بەربژێرێکی سەرۆککۆمار بدات. رۆژی شەممەی رابردوو، پەرلەمانی عێراق کۆبووەوە، بەڵام بەپێی راگەیێندراوێکی پەرلەمان، کۆبوونەوەکە بۆ رۆژی دووشەممە 28-3-2022 دواخرا و رۆژی چوارشەممەش 30-3-2022 بڕیارە کۆبوونەوەی تایبەت بە هەڵبژاردنی سەرۆککۆمار بەڕێوەبچێت. ئەم هەواڵە 484جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad