English | عربی | Kurdî دواهەواڵ
ڕاستەوخۆ  
 
چوارچێوەی هەماهەنگی دەستپێشخەری نوێ دەخاتەڕوو
2022-04-02 [08:59 AM]

ZNA-هەولێر


گوتەبێژی مەکتەبی سیاسی بزووتنەوەی سادیقوون رایدەگەیەنێت، چوارچێوەی هەماهەنگی لە دوو رۆژی داهاتوودا دەستپێشخەرییەکی تازەی دەبێت لەبارەی دۆخی سیاسی عێراق و پێکهێنانی کابینەی نوێی حکومەت.

مەحموود روبەیعی، گوتەبێژی مەکتەبی سیاسی بزووتنەوەی سادیقوون لە لێداوانێکی رۆژنامەوانیدا رایگەیاند "ئەو پەیامەی لە کۆبوونەوەی چوارچێوەی هەماهەنگی دەرچووە، ئاماژەیەکی روونە بۆ چارەسەر و دۆزینەوەی دەرچەیەک بۆ دەربازبوون لەم دۆخەی ئێستا".

روبەیعی ئاماژەیداوە "چوارچێوەی هەماهەنگی دەستپێشخەرییەکی تازەی هەیە و بە تەواوکردنی دەستپێشخەریی گشتگیری نیشتمانی، لە دوو رۆژی داهاتوودا دانووستاندن لەگەڵ قەوارە سیاسییەکان و سەربەخۆکان دەکرێت".

لە دوا کۆبوونەوەیاندا لایەنەکانی چوارچێوەی هەماهەنگی راگەیەندراوێکیان بڵاوکردەوە و تێیدا ئاماژە بەوە کراوە "هێشتا چوارچێوەی هەماهەنگی ئامادەیە بۆ دیالۆگی جددی و بنیاتنەر، لەگەڵ هەموو کوتلەکان و سەربەخۆکان بۆ دەرچوون لە دۆخی گەمارۆی سیاسی".

لە خاڵێکی راگەیەندراوەکەدا هاتووە: "رازیبن لەسەر بەرنامەی حکومەت لە ماوەیەکی دیاریکراودا کە لەسەری رێکبکەون و هاودەنگی جێبەجێکردنی بکەن لەلایەن ئەوانەی دەیانەوێت کوتلە براوەکان بن کە پابەندن بە بەرنامەکەوە و شیاون بۆ بەڕێوەبردنی وڵات".





ئەم هەواڵە 586جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad