English | عربی | Kurdî دواهەواڵ
ڕاستەوخۆ  
 
کۆبوونەوەی دادگای فیدڕالی لەسەر نرخی دینار بەرامبەر بە دۆلار ئەنجام دەدرئ
2022-04-04 [10:00 AM]

​ZNA - هەولێر


ئەمڕۆ دووشەممە ٤-٤- ٢٠٢٢، دادگای فیدراڵی عێراق جارێکی دیکە دادەنیشێت سەبارەت بە سکاڵای ژمارە ٣٢ـی فیدراڵیی ساڵی ٢٠٢٢، کە داوا دەکات نرخی فرۆشتنی دۆلاری ئەمریکی بەرامبەر دیناری عێراقی بگەڕێندرێتەوە ئەو کاتەی کە تێیدا ١٠٠ دۆلار بەرامبەر ١٢٠ ھەزار دیناری عێراقی بوو. 
 
پێشتر دادگای فیدراڵی عێراق لە ١٤ـی ئاداردا سەبارەت بەو سکاڵایە دانیشت و بڕیاریدا دانیشتنەکەی بۆ ئەمڕۆ دووشەممە دوابخات.

 عەلی عەللاوی، وەزیری دارایی عێراق لە روونکردنەوەیەکدا بۆ دادگاکە رایگەیاندبوو، "بانکی ناوەندیی عێراق گۆڕینی فرۆشتنی نرخی دۆلاری ھەڵبژارد بۆ کۆنترۆڵکردنی ھەڵاوسان، چونکە ئەوە تاکە بژاردەی بەردەستی بوو، ئەو بژاردەش ھەڵاوسانی بە رێژەیەکی زۆر کەمکردەوە. چەندین بڕیاردران کە دەکرا لە کاریگەری ئەو دابەزاندنە لەسەر چینە کەم داھاتەکان کەمبکەنەوە، بەڵام پابەندی جێبەجێکردنی ئەو بڕیارانە نەبوون و وەزارەتی داراییش لەوەدا بەرپرسیار نییە." 
 
روونکردنەوەکەی وەزیری دارایی بۆ دادگا ئەوەشی تێدا ھاتووە، "ئەگەر عێراق بەھای دیناری دانەبەزاندایە ئەوا تاوەکو ناوەڕاستی ساڵی ٢٠٢١ بەھای دینار بەشێوەیەکی خۆڕسک دادەبەزی، چونکە یەدەکی بانکی ناوەندیی ئەوکات لە ٦٧ ملیار و ٩٠٠ ملیۆن دۆلارەوە بۆ نزیکەی ٢٧ ملیار دادەبەزی."
 
بانکی ناوەندیی عێراق لە ١٩ی کانوونی یەکەمی ٢٠٢٠ دا بڕیاریدا نرخی فرۆشتنی ھەر دۆلارێکی ئەمریکی لە ھەزار و ١٨٠ دینارەوە بۆ ھەزار و ٤٦٠ دینار زیاد بکات.





ئەم هەواڵە 943جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad