English | عربی | Kurdî دواهەواڵ
ڕاستەوخۆ  
 
گوتەبێژی وەزارەتی دەرەوەی ئێران: وەڵاممان بۆ ئیسرائیل تەنیا یەک وشەیە "هەولێر "
2022-04-04 [10:46 AM]

ZNA-هەولێر


گوتەبێژی وەزارەتی دەرەوەی ئێران دەڵێت، بەرامبەر چوونی نێردەیەکی ئیسرائیلی بۆ نێو گەشتیگەلی ناڤیی پێنجەمی ئەمریکا تەنیا وەڵامێکی یەک وشەییان هەیە : "هەولێر". 

 

رۆژی دووشەممە 4ی نیسانی 2022 سەعید خەتیبزادە، گوتەبێژی وەزارەتی دەرەوەی ئێران لە کۆنفرانسێکی رۆژنامەڤانیدا لە شاری تاران رایگەیاند، ئیسرائیل لە رۆژی یەکەمی دامەزراندنییەوە لە هیچ هەوڵێک سڵی نەکردووەتەوە بۆ ئەوەی دۆخی ئەم ناوچەیەی جیهان ئاسایی ببێتەوە، ئەوەش لە رێگەی هەندێک کاری خراپ، پیلانگێڕی و ژمارەیەک گرووپەوە. 

 

سەعید خەتیبزادە، گوتەبێژی وەزارەتی دەرەوەی ئێران لە وەڵامی ئەم پرسیارەدا "ئیسرائیل رایگەیاندووە بەم زووانە نێردەیەکی سەربازی دەنێرێتە نێو ناڤیی پێنجەمی ئەمریکا لە کەناراوەکانی بەحرەین، ئەمەش بەو واتایە دێت کە لە داهاتوویەکی نزیکدا دەگاتە کەنداوی فارس. هەڵوێستی وەزارەتی دەرەوەی کۆماری ئیسلامی چییە و هەنگاوی دیپلۆماسیتان چ دەبێت؟"، گوتی: "رژێمی داگیرکەری قودس" لە رۆژی یەکەمەوە لە هەموو هەوڵێکی داوە بۆ ئەوەی دۆخی ناوچەکە ئاسایی نەبێتەوە، "ئەوەش لە رێگەی خراپەکاری، پیلانگێڕی و دەست خستنە نێو دەستی ئەوانی دیکەوە. وەڵامی ئێران هەمیشە بەرامبەر رژێمی زایۆنی روون بووە؛ من بە یەک وشە وەڵام دەدەمەوە، ئەویش (هەولێر)ە". 

 

گوتەبێژەکەی وەزارەتی دەرەوەی ئێران ئاماژەی بەوەکرد، تاران هیچ کات لە بەرامبەر هەنگاوەکانی ئیسرائیل بێ وەڵام نەبووە و، هێرشەکەی مانگی رابردووی سەر شاری هەولێری سوپای پاسدارانی وەک نموونەی وەڵامەکانی ئێران هێنایەوە. 

 

شەوی 13 شوبات، ماڵی شێخ باز لە هەولێر کرایە ئامانجی هێرشێکی مووشەکی و زیان بە چەند ماڵێکی دیکەش کەوت و دوو کەسی سیڤیل برینداربوون. 

 





ئەم هەواڵە 682جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad