English | عربی | Kurdî دواهەواڵ
ڕاستەوخۆ  
 
رووسیا چەک له عێراق بەقاچاخ دەباتەوه وولاتەکەی
2022-04-12 [10:12 AM]

ZNA-هەولێر


گوێرەی رۆژنامەیەکی بەریتانی، بەشێک لەو گرووپە چەکدارانەی عێراق، کە لەلایەن ئێرانەوە پاڵپشتی دەکرێن، رووسیا بە گواستنەوەی چەک لە عێراقەوە تۆمەتبار دەکەن و دەڵێن ئەو چەکانە لە دژی ئۆکراینا بەکاردەھێنێت.   

بەگوێرەی رۆژنامەی گاردیان, چەک و کەرەستەی سەربازیی وەکو ئاڕ پی جی، مووشەکی دژە تانک و سیستەمی ھاوێشتنی مووشەکیی بەرازیلی لە عێراقەوە گوازراونەتەوە رووسیا. 
 
بەگوێرەی سەرچاوەیەکی ئاگادار لەو پرسە، یەکێک لە سیستەمی مووشەکیی باڤار ٣٧٣ ی دروستکراوی ئێران کە ھاوشێوەی سیستەمی ئێس ٣٠٠ ی رووسییە لەلایەن بەرپرسانی تارانەوە بەخشراوەتە رووسیا و لەگەڵیشیدا سیستەمێکی ئێس ٣٠٠ ی بۆ رووسیا گەڕاندووەتەوە.  

ئەوەش لەکاتێکدایە کە لەدوای لادانی دەسەڵاتی سەدام حوسێن، سەرۆکی پێشووی عێراق لە ساڵی ٢٠٠٣، ئەمریکا بەردەوام مەشق و راھێنانی بە سوپای عێراق کردووە و پڕچەکی کردووە.  

بەشێکی زۆری ئەو چەک و کەلوپەلی سەربازییەش، کەوتووەنەتە دەستی ئەو گرووپە چەکدارانەی عێراق کە لە ئێرانەوە نزیکن و لە ساڵی ٢٠١٦ـەوە وەکو بەشێک لە شەڕی دژی داعش، خراونەتە سەر سوپای عێراق. 
  

فەرماندەیەکی حەشدی شەعبی کە بەرپرسی کۆنتڕۆڵی دەروازەی سنووریی شەلەمچەیە بە میدیای بەریتانی گوتووە کە لە ٢٦ ی مانگی ئاداردا، ئاڕ پی جی و مووشەکی دژە تانکی حەشدی شەعبی، کە بەھێزترین گرووپی چەکداری شیعەیە، لەرێگەی دەروازەی سنووری شەلەمچەوە گوازراونەتە نێو ئێران و لەوێشەوە لەلایەن سوپای ئێرانەوە وەرگیراون لە رێگەی دەریاوە بەرەو رووسیا نێردراون.  

بەگوێرەی میدیای بەریتانی، حەشدی شەعبی دوو سەکۆی مووشەکھاوێژی ئاترۆس ٢ـی بەرازیلی پارچەکردووە و لە ١ـی نیسانی ئەمساڵدا گواستوویانەتەوە بۆ ئێران.  

ئەوەش لەکاتێکدایە کە بەگوێرەی میدیای بەریتانی، لە ماوەی ئەو کاتەی کە ئاماژەی پێکراوە، سێ کەشتیی بارھەڵگر کە دووانیان ئاڵای رووسیایان پێوەبووە و یەکێکیشیان ئاڵای ئێرانی پێوەبووە لە بەندەری ئەنزەلییەوە بەنێو دەریای خەزەرەوە چوونەتە شاری ئەستراخانی رووسیا. 





ئەم هەواڵە 1399جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad