English | عربی | Kurdî دواهەواڵ
ڕاستەوخۆ  
 
پەیام عەزیزی بۆ مانگی رەمەزان بەرنامەی تایبەت پێشکەش دەکات
2022-04-12 [01:47 AM]

ZNA - تاران


گۆرانیبێژی کورد "پەیام عەزیزی" لە بەرنامەی تایبەتی مانگی رەمەزانی تەلەڤیزیۆنی رووداو، بۆ ماوەی مانگێک لە قەڵاتی مێژوویی هەولێر کۆنستێرتی میوزیکی ئایینی پێشکەش دەکات. 

 

"پەیام عەزیزی" گۆرانیبێژی ناوداریی میوزیکی عیرفانی و ئایینی بە هاوڕێیەتی لەگەڵ ئەندامانی گرووپی میوزیکی هەولێر، لە بەرنامەی تایبەتی مانگی پیرۆزیی رەمەزانی تەلەڤیزیۆنی رووداو بە ناونیشانی "پاشیڤ" بۆ ماوەی مانگێک لە ماڵی "چەلەبییەکان" لە قەڵاتی مێژوویی هەولێری پایتەختی هەرێمی کوردستان، کۆنستێرتی میوزیکی ئایینی پێشکەش دەکات. 

 

عەزیزی لە ماوەی ئەم مانگەدا، گۆرانییە هەرمانەکانی "ئەڵڵا مەدەد"، "یا رەسووڵ ئەڵڵا یا شای مەدینە"، "لەبەیک"، "موسوڵمانان"، "محەمەد رەسووڵ ئەڵڵا"، "حەبیبی یا رەسووڵ ئەڵڵا"، "دەردی هیجران"، «طلع البدر علینا»، "ئەی پەنای عاسیان"، «صلاه الله سلام الله علیک یا رسول الله»، "ما محرم سلطانیم"، "ئەڵڵا ئەڵڵا یا ئەڵڵا"، "یا فەردی ئەعزەم"، مەقامی "بێ وەفا"، "سوڵتان ئەڵڵا "، "حەبیبم ئەڵڵا" و ... بە هۆگران و لایەنگرانی میوزیکی عیرفانی و ئایینی پێشکەش دەکات.

 

ئەندامانی گرووپی میوزیکی هەولێر کە "پەیام عەزیزی" لە بەرنامەی "پاشیڤ" هاوڕێیەتی دەکەن، بریتین لە: "شیاو کەماڵ" ژەنیاری ڤیۆلین، "لێزان قادر" ژەنیاری عوود، "ئەردەوان خەلیل" ژەنیاری نەی، دودووک و کاوالە، "زانا ئەنوەر" ژەنیاری قانوون، "ڕێوان رەشاد" ژەنیاری ئامێرە کوتراوەکان و هەروەها "رێبوار عەبدوڵڵا" ژەنیاری دەف.

 

تەلەڤیزیۆنی "ڕووداو" بە بەرپرسیاریی "ئاکۆ محەمەد" ڕۆژنامەوانی بەئەزموونی کورد کە بینەرێکی زۆریی لە نێوان کوردەکانی دنیادا هەیە، لە زۆربەی وڵاتانی جیهان نووسینگەی نوێنەرایەتی هەیە و بەرنامە، هەواڵ و ڕووداوە گرینگ و سەرنجڕاکێشە هونەریی، کەلتووریی، کۆمەڵایەتی و سیاسییەکانی دنیا بە شێوەی ڕاستەوخۆ بە باشی و بە شێوەی پڕۆفێشناڵانە بڵاودەکاتەوە.  

 

پێشتریش لە بەرنامە جۆراوجۆرەکانی ئەم کەناڵەدا، هونەرمەندانی بەرچاویی کوردستان، ئێران و ناوچەکە لەوانە: "حوسێن عەلیزادە" ئاوازدانەر و ژەنیاری بەتوانای تار و سێتاری ئێران، "نەسیر شەمە" ژەنیاری عێراقی ناوداری عوود، "هۆمایوون شەجەریان" گۆرانیبێژی ناوداری ئێرانی، موزیکزانی کورد "تەهموورس پوورنازری" ئاوازدانەر و ژەنیاری تار و سێتار و تەنبوور، موزیکزانی ئێرانی "عەلی قەمسەری" ئاوازدانەر و ژەنیاری تار، موزیکزانی کورد "سۆهراب پوورنازری" ئاوازدانەر و ژەنیاری کەمانچە و تەنبوور، "عەلیڕەزا قوربانی" گۆرانبیژی ئێرانی، "ئیرەج ڕەحمانپوور" گۆرانیبێژی ناوداری لوڕ و ... کۆنسێرت و بەرنامەی تایبەتیان پێشکەش کردووە.

 

مەنسوور جیهانی





ئەم هەواڵە 532جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad